E siman aki, Minister di Finanzas, Xiomara Maduro a cera conoci cu Sr. Marco Arena, kende ta e Mission Chief nobo di IMF. Sr. Arena ta bay encabesa e team di Hemisferio Occidental cu cada dos aña ta haci nan evaluacion financiero y economico di Aruba den e ‘Article IV Mission.’

E ultimo evaluacion di Aruba ta data di mei 2023 y e proximo evaluacion ta premira pa tuma lugar den e promer kwartal di 2025.

Minister Maduro ta yama Sr. Arena bon bini y ta gradici e team di IMF pa e bon cooperacion y e trabaonan cu nan a bin ta haci na bienestar di Aruba.