E momento a yega caminda tur alumno di Ciclo Basico 2 & Ciclo Avansa 1 ta cuminsa ricibi preparacion pa scoge e materianan cu nan kier pa otro aña escolar MAVO. Pa e alumno ta bon prepara pa por scoge un profiel.
Durante di e periodo di preparacion ta importante pa e alumno conoce su mes bon, por reconoce su habilidadnan como tambe e aspectonan cu e tin di mehora como persona. E alumno mester cuminsa pensa riba kico e kier haci despues cu e caba nos scol MAVO, cual estudio e lo kier sigui y den caso por ehempel di EPI, cual sector e lo kier bay.
Nos ta haya importante pa e alumno tin un idea di kico mercado laboral ta spera di nan, kico ta e cualidad y habilidadnan cu un compania, negoshi of instancia ta busca den un potencial trahado. Pa logra e meta aki, nos ta pidi colaboracion di bo persona na momento cu un alumno di nos scol mustra interes den boso organisacion.
E Pasantia di Observacion “snuffelstage” aki ta pa 1 dia y e alumno ta draai segun orario di e organisacion di su escogencia pa un maximo di 8 ora y no por pasa e orario di 5’or di atardi; e alumno mes ta encarga di busca un lugar caminda e lo desea di pasa su stage.
E fecha cu scol a pone pa e stage ta diahuebs 18 di januari 2024;
Mi kier pidi tur compania, negoshi of instancia pa yuda nos scol logra e meta aki, pa asina nos por trece e alumno mas cerca di e mercado laboral y e exigencianan cu esaki tin awendia.
Mi kier gradici bo persona pa e tempo, dedicacion y colaboracion pa nos proyecto y ta spera di por sigui conta cu e sosten den futuro. Si acaso boso kier mas informacion por tuma contacto via mail di e decano ainsley.kelly@skoa.aw
