Ta trata di un subvariante cu ta creciendo mucho mas lihe rond di mundo, for di su descubrimento na augustus ultimo, pero pakico su crecemento tabata un sorpresa pa expertonan y cuanto e vacunanan actual ta protege.
Na maart awor ta bay cumpli cuatro aña di e declaracion di pandemia di Covid-19 di Organisacion Mundial di Salud (OMS) y ley di wak e final di e tunnel, e consecuencianan di e mutacion nobo di e virus ta generando e di dos ola mas grandi registra na Merca y tambe na otro paisnan.
E subvariante denomina JN.1, detecta na prome biaha na augustus 2023 na e pais aki, a bira esun di crecemento mas lihe na henter mundo, cu awendia ta causando e mayor ola di contagio for di Omicron.
Den un articulo cientifico reciente di fundado y director di Research Transnational Institute, Eric Tropol, e profesor di medicina a observa cu e variante aki ta deriva di e unico cepa cu a haci mutacion 30 biaha for di dia Omicron a aparece pa prome biaha mas di dos aña pasa.”
Conoci como “Pirola”, e organismo internacional a declar’e for di comienso di december un variante di interes debi na e velocidad cu e ta plama.
Segun Topol, esaki ta e segun ola di infeccion na Merca durante pandemia, despues di Omicron.
“Nos a perde e capacidad di haya e number real di infeccion, ya cu mayoria di personanan ta haci e prueba na cas of algun di nan ni sikiera ta haci’e, pero e nivel hopi halto di e virus ta den awa residual ta indica cu cerca di dos miyon Mericano ta ser afecta cada dia.
Na otro paisnan di Europa, e nivel di awanan residual a alcansa nivelnan sin precedente, superior na esnan detecta durante ola di Omicron, “ta evidente cu e variante di e virus aki, cu su cantidad di mutacion, a continua su evolucion cu mutacion adapta pa infecta nos,” e investigado a señala.
Den pleno winter na hemisferio nort, na scenario di Covid-19 ta uni e cantidad di casonan di griep y un virus respiratorio (VRS, na Ingles) e cual tin nivelnan hopi halto y te ainda nan no a yega na nan punto maximo. Incluso tin personanan cu a experimenta e infeccion dos biaha caba.
Debi na e panorama aki, unda tres virus ta circulando cu tur forsa, por pensa pa mira mas hende usando mondmask den publico, sinembargo, esey por ta leu di berdad, estado di negacion y e medida di no tuma medidanan simpel pa reduci e riesgo di infeccion no por ta tur caminda.
Na mas di cuatro aña cu e virus SARS-CoV-2 a bolbe mustra su resiliencia, capaz di reinventa su mes y sigui infecta mas hende, segun Topol e mundo “ta sigui fingiendo cu pandemia a caba, cu infeccion a bira un griep comun debi na exposicionnan previo y cu bida a bira normal back, lamentablemente nada di esey ta berdad.”
E bon noticia memey di ola di infeccion aki ta cu contagionan no a traduci na un aumento di ingreso na hospitalnan manera a ser mira durante Omicron.
Esaki kiermen segun Topol, cu refuerso di vacunanan ta crea anticuerpo cu ta neutralisa e virus, den un rapport reciente a observa cu e refuerso di e vacuna a brinda un proteccion contra hospitalisacion den rango di 60% contra otro variante cu a circula recientemente.
Griep basta pisa na Aruba
Na Aruba, recientemente por a tuma nota cu Celebracion di Pasco y di Fin di Aña a haya algun inconveniente pa loke ta trata salud di ciudadanonan na Aruba cu di un manera straño a cuminsa haya sintomanan di un griep masha pisa mes cu hasta algun di nan ta sigura cu esaki ta trata di Covid.
Den dianan aki por tende di hopi hende cu a y ta birando malo pa via di un griep cu ta afecta e persona casi den su totalidad mirando cu e sintomanan ta bay for di dolor di cabes, dolor di garganta, tosamento, dolor di wesonan, verkoud, slijm, curpa kibra, entre otro.
Usuarionan riba rednan social ta bin indicando cu ta un griep cu ta “hopi fuerte y pisa”, “ta dal duro,” na unda ta recomenda pa cuminsa bisti mask y cuida nan mes un poco mas mirando cu carnaval a cuminsa y sigur, lo tin basta celebracion.
E siguimento durante e temporada di griep ta basa den rapport di personanan cu sintomanan similar na esun di griep cu ta bay na hospitalnan of dokternan di cas, hopi hende cu griep no ta haci pruebanan, pa loke nan infeccion no por ta confirma de laboratorio, Covid y otro virus respiratorio por pone e panorama mas scur.
Tin diferente tipo di griep, y e version cu a propaga mas na Merca den aña aki ta provocando un menor cantidad di hospitalisacion y mortonan entre hende grandi, cu ta e grupo ta presenta mas victimanan pa e malesa aki.
No ta keda otro pa recomenda na pueblo di Aruba en general pa cuida curpa den dianan aki mirando cu e griep aki manera por a scucha di cierto ciudadanonan, e ta hopi fuerte.
