ARCHIVO - Bernardo Arévalo, candidato presidencial por el Movimiento Semilla, da una entrevista en Ciudad de Guatemala, el 27 de junio de 2023. Arévalo, que ganó las elecciones presidenciales, se prepara para asumir el cargo el 14 de enero de 2024. (AP Foto/Moisés Castillo, Archivo)

Prome minister Evelyn Wever-Croes lo bay atende e investidura di presidente di Guatemala, Bernardo Arevalo de Leon. E investidura ta bay tuma lugar dia 14 di januari proximo.

Segun corant Guatemalteco, Prensa Libre, e investidura ta bay sucede den un ceremonia unda Arevalo ta bay haci su huramento, comprometiendo solemnemente pa cumpli cu deber- y obligacionnan di e presidencia. E evento, carga di simbolismo, ta marca e comienso di un periodo gubernamental nobo cu ta bay extende te aña 2028.

Dianan prome cu e investidura, gobierno saliente al mando di Alejandro Giammattei a anuncia e prome invitadonan confirma di e delegacionnan internacional, subrayando e relevancia cu e demas paisnan ta otorga na e cambio di autoridadnan.

Ministerio di Relacion Exterior (Minex) di Guatemala a informa cu varios nacion a acepta e invitacion, entre nan, destacando e Rey Felipe IV di Spaña. Tambe a confirma participacion di presidentenan di Mexico, Chile, Honduras, Costa Rica, Panama, Colombia, Ecuador y Paraguay, ademas di prome minister di Belice y claro di Aruba, segun Prensa Libre.