(Infobae) – Presidente Gustavo Petro, a pone fin na discusion huridico pa loke ta trata extradicion di Rafael Valdeblanquez Jusayu ken a causa un polemica legal y social na e pais.
Alias Don Rafa of Tio Rafa, manera ta conoci, ta un indigena di 76 aña miembro di e comunidad Wayu, reconoci pa Ministerio di Interior, ken a ser deteni na februari 2022, pa trafico internacional di estupefaciente.
Valdeblanquez, segun file penal di Corte di Districto Sur di Florida, Merca, a establece aliansanan cu gruponan di ELN na region di El Catatumbo, facilitando e movemento di cocaina na Alta Goajira. E parti aki di e cadena a destaca pa e cuidado di transportacion di un cargamento, for di su origen na La Goajira na december 2018 hasta su yegada na Merca na januari 2019, cu 253 kilo di cocaina di calidad halto.
Segun El Espectador, medio cu tin e documentonan oficial, “Di acuerdo cu indictment federal, nombra como Caso 21-20213-CR-UNGARO/REID, e homber aki tabata move droga for di Alta Goajira, specificamente pa Parajimaruhu y Puerto Ingles. Ora e cargamento tabata yega na region, su zona di influencia durante e ultimo cinco decada, e tabata ward’e—segun filenan—den nan propiedadnan y di otro presunto testaferro.”
E resistencia di Valdeblanquez pa su extradicion, respalda pa hurisdiccion indigena cu a sancion’e na 2021, ta plantia cuestionamentonan riba con mester deal cu casonan cu ta involucra e comunidad. Aunke e hurisdiccion indigena a impon’e restriccion, como prohibicion di sali di Alta Goajira durante 14 aña, e resolucion ehecutivo firma pa presidente Gustavo Petro na december 2023 ta respalda su extradicion pa Merca.
E dialogo entre e comunidad Wayu, autoridadnan Colombiano y ELN a mustra influencia den caso aki, specialmente cu e guerrilla anunciando fin na secuestronan y halto al fuego. Sinembargo, extradicion di Valdeblanquez pa un prizon federal na Merca ta keda, evidenciando e prioridad di husticia Mericano den casonan di narcotrafico.
