(AP)—Documentonan nobo di corte cu recien a ser desclasifica describiendo e abuso sexual di mucha muhenan adolescente cometi pa Jeffrey Epstein ta un recordatorio di con e financiero a utilisa su conexion cu esnan rico, poderoso y famoso pa recluta su victima y sconde su crimennan.
E documentonan di 40 piesa publica diaranson—esun mas recien di miles cu a ser publica caba—tabata consisti di nombernan di celebridad- y politiconan cu a socialisa cu Epstein of a traha cune den e añanan prome cu el a ser acusa publicamente casi dos aña pasa di paga mucha muhenan menor di edad pa actonan sexual.
Tabata durante e huicio criminal di Epstein su pareha ,Ghislaine Maxwell, dos aña pasa cu e victimanan di Epstein, algun di nan cu a aspira pa bira modelo of artista, a describi con el a nombra su amigonan famoso y influencial pa sugeri cu e tabata e oportunidad pa su victimanan yega na nan soño. Masxwell, 62, a ser condena cu cargonan di traficacion sexual y ta sirbiendo un sentencia di 20 aña den prizon.
E 250 documento cu ta den proceso di desclasificacion e siman aki, ta un di e casonan lanta contra Maxwell cu ta conta atrobe tocante loke tabata conoci di e homber cu a anda den circulonan elite te cu e detencion di traficacion sexual na juli 2019 a pon’e den bista hudicial a resulta den e tumando su mesun bida den prizon. Pero e documentonan tambe a revela algun detaye nobo tocante un piramida di abuso cu a crece durante tres decada y a causa daño na decenas di mucha muhe adolescente y hende muhe hoben.
Entre e documentonan mas interesante publica diaranson tabata e deposicion di Johanna Sjoberg na mei 2016, ken a traha como masahista den e hogar di Epstein. Sjoberg a bisa cu un biaha el a conoce Michael Jackson na e cas di Epstein na Florida, pero cu nada a pasa cu e cantante iconico. Epstein tambe tabatin casnan na Manhattan, New Mexico y den e Virgin Islands.
Tambe el a describi un biahe na april 2001 pa New York den cual el a bisa e Prins Andrew di Inglatera a touch su pechonan mientras cu nan a para pa potret na e cas di Epstein na Manhattan. Ex-presidente Mericano Bill Clinton a bisa via un vocero cu aunke el a biaha den e jet di Epstein varios biaha, nunca el a bishita su casnan, no tabatin conocemento di su crimennan y no a papia cu e financiero desde su convicto. Trump tambe a bisa cu el a pensa cu Epstein tabata “un homber tremendo” pero cu despues nan no tabata amigo mas.
E documentonan nobo publica tambe a inclui referencia na Jean-Luc Brunel, un agente di modelahe Frances cu tabata cerca di Epstein y ken a tuma su mesun bisa na Paris na 2022 mientras e tabata wardando huicio riba carganan cu el a abusa di mucha muhenan menor di edad.
