Venezuela: Gobierno di Maduro ta sigui sin controla e zona den disputa cu Guyana un luna despues di e referendum

(ElNacional) – E promesa di e gobierno di Nicolas Maduro di agrega na Venezuela e Esequibo, e teritorio den disputa cu Guyana, a cumpli ayera un luna sin wordo realisa, tempo den cual e discurso- y menasanan no a falta, mientras cu e zona den disputa ta sigui manera cu e ta for di e siglo XIX, controla pa Georgetown.

E disertacion Bolivariano no a wordo traduci, por lo menos te cu aworaki, den algo mas cu proyecto- y propagandanan nacionalista desde dia 3 di december, ora cu Venezuela a aproba den un referendum unilateral pa tuma e control di e area, e plan cu a activa e alarmanan di e comunidad internacional pa e posibilidad di un conflicto den e region.

Cu Nicolas Maduro den e skina Venezolano di e ring y e presidente Irfaan Ali den e skina Guyanes, e pelea tin como referee e Comunidad di Estadonan Latinoamericano y Caribense, e Comunidad di Caribe, e Organisacion di Nacionnan Uni y specialmente, e mandatario Brasilero Luiz Inacio Lula da Silva.

Aunke e voznan no a yega na e banda Venezolano, cu ta insisti den sigura cu e Esequibo ta pertenece na nan, nan no a tuma ningun accion ofensivo y a pone un stop na su plannan, specialmente despues di e dialogo binacional cu a tuma luga na Saint Vincent & The Granaidnes dia 14 di december, ora cu Maduro y Ali a compromete nan mes na no menasa otro mutuamente.

Rabia cu esnan cu ta insisti den e caracter no vinculante di e referendum, Maduro a anuncia nuebe accion contundente pa demostra cu e tabata papia den serio ora cu el a bisa cu el lo cumpli cu e mandato popular expresa na e centronan di votacion, segun e cual casi 100% di esnan cu a vota a aproba pa agrega e Esequibo.

Asina el a ordena pa crea un division militar den un zona Venezolano cercano, pero no fronteriso, na e teritorio den disputa, den e mesun punto cu lo funciona como e sede di e gobeirno den loke e ta prentende cu lo bira un region nobo, yama Guayana Eseuiba, pa cual el a asigna un presupuesto di casi 680 miyon di dollar.

Ademas e lider chavista a anuncia e comienso di e entrega di e nacionalidad Venezolano na esnan cu ta biba den e area aki, casi tur comunidadnan indigena, y e expedicion inmediato di licencianan pa explotacion petrolero di e teritorio, unda ya caba empresanan manera Exxon Mobil ta trahando cu autorisacion di Guyana.