Ariba e red social Facebook por a tuma nota di un publicacion den un grupo dedica na turista cu ta bishita of ta interesa den bishita Aruba na unda un usuario a publica un potret di un construccion den e area di Eagle Beach. E publicacion aki a ricibi basta comentario di otro turistanan cu den su mayoria a expresa nan malcontento pa cu tanto diferente construccion cu tin andando aworaki.
E potret a wordo publica hunto cu e texto: “Progreso actual di Iberostar na Eagle Beach.” Esaki di biaha a capta atencion di otro turistanan cu a expresa nan malcontento pa e construccion cu ta andando.
“E ta net riba nos timeshare. Stop di sobreconstrui Aruba,” un usauario a comenta. Mientras otro a comenta: “Teribel! Ora mi a cumpra mi timeshare tabatin leynan pa stop di construi pa no haci’e yen di hende.”
Varios usuario a expresa e mesun opinion, cu tanto construccion ta bay haci cu e beach publico di Eagle Beach ta bay ta demasiado yen di hende cu ya e ta bay bira dificil pa e turistanan disfruta trankilamente di Eagle Beach.
“Stop e construccion! E isla ta wordo destrui pa companianan buscado di placa,” ; “Hopi bergonsoso. E beyesa di Aruba ta bay disparce pronto,” ; “Hopi tristo cu nan ta sobre construyendo e bunita isla aki,” ; “Horibel, ki monstrosidad,” ta algun di e otro comentarionan cu e turistanan a laga ariba e publicacion aki.
Un turista cu ta pertenece na e grupo aki a comenta tocante e impacto cu esaki por tin ariba e problema cu tin caba di mal holo den e area aki. “Eynan e red electrico ta bay y mas holo di e awanan sushi sigui pa mas musca! Mi tin cu bay cambia mi timeshare pa un luga nobo pa mi keda,” e usuario a comenta.
