Informacion cu a circula den medionan di comunicacion local den ultimo dianan ta indica cu ex-parlamentario di Aruba, un muhe di inicialnan L.W., a keda deteni hunto cu su pareha y su yiu menor di edad, pa sospecho di atraco cu arma.
Medionan local a identifica e pareha como O. H., indicando cu ta trata di un persona conoci pa husticia. L.W. actualmente ta traha como docente. Sinembargo, ta mustra cu tur tres, incluyendo e yiu di apenas 16 aña di edad, tabata involucra den e crimen di atraco arma.
Por a compronde cu e atraco a tuma lugar dia 26 di november y e victima a resulta herida, unda W. a fungi como chauffeur den e auto cu a usa pa comete e atraco. E detencion a tuma lugar dia 20 di november. Segun informacion den medionan local, durante interogacion, W. mes a haci diferente confesion cu a resulta den detencion di H. Na momento cu a detene H. tambe, a haya droga den e cas. Cu esaki a informa cu e investigacion cu a resulta den e detencion tabata vincula cu un caso grandi di droga. Sinembargo, e yiu menor di edad aparentemente ta involucra solamente den e caso di atraco arma.
Potret di archivo.
