(NLTimes)—Hendenan cu kier stop di huma ta hay’e importante cu esnan den nan circulo apoya nan den nan esfuersonan, pero frecuentemente esaki no ta e caso. En bes di apoya, humadonan cu kier stop sa haya respuestanan manera, “mi ta kere ora mi wak’e pasa,” of algun otro di acercamento di warda-y-mira, segun un estudio pa Verian cu a ser pidi pa Gezondheidsfondsen voor Rookvrij, un fondo di salud apoyando iniciativanan pa stop di huma.
E organisacion a lansa un campaña di marketing pa aumenta conscientisacion, haciendo un yamado na esnan cu conoce humadonan pa apoya nan ora nan dicidi cu ta tempo pa bandona e habito. Segun e estudio, famianan di un humado usualmente ta positivo tocante e intento pa stop. Pero e mayoria (87%) ta responde den un manera di warda-y-mira. E actitud aki por tin un efecto negativo riba e motivacion di e humado, segun e estudio a declara.
Un kwart di humado no ta conta esnan rond di nan cu nan kier stop debi na inciertud personal, of pa proteha na mes si nan no logra. Si e humado cuminsa huma atrobe, esaki frecuentemente ta causa decepcion (72%), frustracion (46%) y tristesa (42%) entre esnan rond di nan. E ora esaki ta afecta e auto-confiansa di esnan cu kier stop di huma. No-humadonan tambe ta balota e cantidad di intento cu mester pa stop. Nan ta pensa cu riba e tercer of di cuatro intento un humado ta stop exitosamente, mientras e averahe ta seis, segun e estudio.
P’esey ta importante pa apoya e humado te ora nan logra, segun Károly Illy Gezondheidsfondsen voor Rookvrij. “Sigui encurasha e humado, pasobra tur intento pa stop ta trec’e mas cerca di e momento unda e ta stop completamente. Esey ta un gran logro cu tambe ta duna hopi beneficio di salud, pa ambos e humado y e medio ambiente,” segun Illy.
E investigacion a ser conduci entre 2,122 hende Hulandes di 18 aña bay ariba cu tin experencia cu intentonan pa stop di huma.
