Rey Hulandes ta puntra publico pa mienda diferencianan y surpasa prehuicio den discurso pa Pasco

(NLtimes)—Rey Willem-Alexander a uza su di 11 adres nacional di Pasco pa haci un yamado na e pueblo Hulandes pa yega na un compromiso cu otro y mienda e diferencia cu nan ta comparti cu otro hende.

Den su prome discurso grandi siguiendo e victoria di eleccion di partido derechista PVV, el a recorda e publico tambe cu tin un solo Hulanda, bao un solo set di ley. Esaki ta, den su palabranan, loke ta haci Hulanda “un di e miho luganan na mundo,” cu tur ta igual.

“Tin regla cu ta aplica pa tur hende. Nos Hulandes tin un orden legal democratico. Esaki ta duna nos stabilidad y siguridad. Discriminacion den cualkier forma no ta aceptabel. Intimida, menasa y insultando hende ta fuera di orden,” el a bisa. Willem-Alexander ta haya e reconocemento di skirbi su discursonan su mes, al contrario cu su discurso anual den september tocante e propuestanan di presupuesto di gobierno, cual ta ser prepara pa e prome minister. E discurso di e rey a ser graba e siman aki na Palacio Huis ten Bosch, unda su famia ta biba na Den Haag.

E rey a cuminsa su discurso di shete minuut dialuna reflehando riba e guera entre Israel y Hamas riba e Gaza Strip, bisando cu “unda un tempo angelnan tabata canta, awo hendenan ta den oposicion cu otro. heridanan hundo a habri, y pas y reconciliacion ta parce mas leu cu nunca.”

El a nota cu e incidentenan hororoso cu ta pasa na mundo siguramente ta afecta esnan na Hulanda. “Ningun dijk por ser hisa pa proteha nos contra esaki. E violencia eynan ta resulta den tensionnan aki. Hopi hende tin miedo.” E por, y ta resulta den sentimentonan di inciertud, y un sentido cu hende ta perdiendo conexion cu otro entre diferencianan grandi den perspectiva. For di e desacuerdonan ey, por bin un “momento pa reflexion,” particularmente durante Pasco. “Sin contradiccion no tin progreso, pero e manera cu nos ta maneha esaki ta defini e progreso ey,” e rey a bisa.

“Si e problemanan mas grandi na mundo surpasa nos forsa, nos por al menos sigura cu nos ta biba hunto den pas den nos mesun pais y mienda diferencianan.” E rey a haci un yamado na hende pa no husga otro lihe, y corda cu tur hende ta comete eror. Fracaso pa haci esaki, of pa acepta un “cultura streng di consecuencianan” por solamente stroba e progreso di sociedad. “Ban laga e Pasco aki ta tempo pa haci un comienso nobo. No husga otro constantemente, pero acepta e variacion humano, cu comprendemento pa dudanan personal, preocupacionnan y deficitnan. No tin un segundo Hulanda. Ta nos ta construi e pais aki hunto, y ainda e ta un di e miho luganan na mundo.”

Potret cortesia di RVD.