Diasabra dia 16 di december 2023 pa 6’or di atardi e conteo oficial di fin di Aña di Aruba e AOCT Aruba Official Countdown Time a inicia na Aruba, ora nos a yega e ultimo 365 ora di Aña 2023 cu ta igual na e 365 dia di Aña 2023 durante un aña normal.
Mientras cu cada 4 aña Schrikkeljaar nos ta inicia un ora mas trempan na 366 ora di aña, cu ta igual na 366 dia di aña pa 5’or di atardi di dia 16 di december.
E conteo a wordo haci pa e director nacional di conteo pa 32 aña, Sr. Marcos Bislip den calidad como astronomo cual conteo ta cay bao di asociacion nacional Arubano di astronomia, Aruba Astro Research Int. y conta for di ATSOC Aruba Time & Space Observation Center y transmiti via Sunrise Radio Aruba pa TOP FM 95.1 ariba FM pa henter Aruba y tambe via Radio Calle 91.5 FM.
E conteo ta inicia dia 16 di december di cada aña y ta termina 1 di januari di cada Aña Nobo ora yega na cero ora y minuut y seconde na unda planeta Tera ta completa su rotacion rond di e solo di 365 dia durante aña normal y cada 4 aña durante un schrikkeljaar 366 dia rond di e solo pa inicia un rotacion nobo rond di e solo den e Aña Nobo.
Dia 27 di December pa 7’or di anochi ta yega na e ultimo 100 oranan di aña y dia 31 di december ta conta e prome paisnan cu ta drenta Aña Nobo na mundo ya for di 5am ta bay den aire na TOP FM 95.1 y Sr. Marcos Bislip ta haci esaki te cu 8am contando e prome paisnan cu ta drenta Aña Nobo na mundo. Despues pa 7 pm di anochi ta conta e conteo di Hulanda y sigui despues pa esun di Aruba for di 11 pm di anochi di dia 31 di december contando e ultimo 59 minuutnan y 59 secondenan prome cu drenta Aña Nobo y tambe e prome seconde- y minuutnan y ora di Aña 2024, Aña Nobo cual conteo ta wordo haci oficialmente pa 32 Aña.
Mayoria biaha e ultimo conteo di 11’or di anochi di Dia 31 di December te cu Dia 1 di Januari ta wordo haci via 91.5 FM pa Marcos Bislip y ta bay te cu 1 am di Dia 1 di Januari di Aña Nobo cu musica y oyentenan por contact studio y duna bon Aña.
