(Infobae) – Violencia contra hende muhe a bira un problema di urgencia na Peru. Por mira esaki refleha den e cantidad di feminicidio cu ta registra den aña 2023. Sinembargo, esaki no ta e unico señal di alarma, ya cu a denuncia cu den apenas 48 ora a concretisa 5 asesinato den diferente region di e pais.

Familias Unidas por Justicia ta esun cu a bati alarma, nan ta un colectivo di familiarnan di e victimanan cu ta busca acceso na husticia y reparacion. Di acuerdo cu loke a reporta, entre 16 y 17 di december , 5 hende muhe a ser asesina, den nan mayoria, e feminicidionan aki a ser cometi pa un pareha of ex-pareha.

Programa Nacional para Prevencion y Erradicacion de la Violencia Contra Mujeres e Integrantes del Grupo Familiar (Aurora) di Ministerio di Hende Muhe y Poblacion Vulnerabel (MIMP), ta presenta un rapport cu ta refleha e realidad di Peru pa loke ta trata e problema aki.

Di acuerdo cu nan rapport mas reciente, te october 2023, a registra 142 caso cu caracteristica di feminicidio, den rapport aki tambe a ta denuncia cu 89,4% di e victimanan tabata adulto entre 18 y 64 aña. Muchanan menor te 17 aña ta representa 7,7% y adulto mayor 2.8%.

Na Peru, panorama di violencia contra hende muhe ta constitui un di e problema mas urgente, debi cu den luna di october so, a supera caba e number di asesinato di hende muhe reporta na aña 2022, ora a yega na 130.

Maske e nivel halto di feminicidio ta causa preocupacion, tambe e cantidad di casonan cu a conta den algun region, specialmente pa motibo cu ta mustra e carencia cu departamentonan ta experimenta den e lucha pa elimina violencia contra hende muhe, e lista di e regionnan ta lo siguiente:

Na Lima: 25 feminicidio, Arequipa: 25 feminicidio, Huánuco: 11 feminicidio, Puno, Cusco y La Libertad: 8 feminicidio den cada region, Cajamarca: 7 feminicidio, Junín: 6 feminicidio, Tacna: 5 feminicidio, Ayacucho, Ica, San Martín, Huancavelica y Ucayali: 4 feminicidio den cada region, Lambayeque y Lima Provincia: 3 feminicidio, Amazonas, Callao, Loreto y Piura: 2 feminicidio, Áncash, Apurímac y Madre de Dios: 1 feminicidio.

Di acuerdo cu e titluar di MIMP, Centronan di Emergia pa Hende Muhe na Peru a reporta mas di 100.000 caso di violencia familiar cu a ser atendi.

“Nos no por tolera ningun forma di violencia den famianan, hende muhe ta sufri hopi di violencia den interior di famia, mucha muhenan ta wordo viola den nan cas. Nos mester rechasa esaki contundentemente,” Nancy Tolentino a bisa.

Tambe a indica cu e accionnan aki ta laga cicatriz profundo den e muchanan, ya cu ora tempo pasa, nan nota logra alcansa nan metanan di bida.

Sinembargo, a informa cu Gobierno ta haci impulso di un strategia nobo yama Familias igualitarias libres de violencia cu e obhetivo di haci reflexiona riba importancia di e rol di e famia den e criansa di e muchanan y nan proyectonan di bida.