(Infobae) – Den un operativo grandi, agentenan di Fiscalia Ecuatoriano a detene ayera diahuebs por lo menos 29 persona, incluyendo presidente di Conseho di Hudicatura, hues, fiscal, polis y agente penitenciario, entre otro, vincula na un investigacion riba delincuencia organisa y narcotrafico.
Autoridadnan ta investiga señalnan di “un structura criminal den tur nivel di Estado y vincula directamente na narcotrafico” cu por demostra “un descomposicion structural profundo” Fiscal General, Diana Salazar, den un video publica riba su cuenta di X a splica.
Ademas, Salazar a comunica e final di e operacion “di mas grandi den historia contra corupcion y narcotrafico,” den cual mas di 900 persona entre fiscalnan, ekipo tactico y unidad special di polis a interveni.
Fiscalia a señala cu “di informacion cu nos ta hayando di entradanan hudicial na varios provincia, ta 29 e detenido,” aunke a aclaria cu “nos ta bay sigui actualisa” mientras entradanan hudicial cu ta den ehecucion lo caba.
Conseho di Hudicatura ta e entidad encarga di e administracion di sistema hudicial y concursonan pa eligi e huesnan nobo, ademas di e aplicacion di medidanan disciplinario na e funcionarionan di e sector.
Den un comunicado, hudicatura a expresa “nos profundo rechaso y preocupacion” na loke a califica como “detencion arbitrario y ta carece di sosten” di Wilman Teran, presidente di e organismo aki, asina como e entrada hudicial na sede di institucion, accionnan pa lo cual a bisa, “no tin fundamento y ta atenta contra principionan di funcion hudicial.”
Den e operativo a haci 75 inval na seis provincia y a aresta huesnan, ex-huesnan y un ex-general di polis -cu tabata activo te siman pasa- entre otro funcionarionan.
Riba su cuenta di “X”, Fiscalia General a sigura cu durante e jornada a drenta na instalacion di Fiscalia Provincial di Pichincha, ubica na centro nort di e capital, “na unda a haya señalnan relaciona cu e investigacion pa presunto delincuencia organisa.”
Germán Rodas Chaves, coordinador di Comision Nacional Anti corupcion, un organismo di sociedad civil, a sigura cu sistema hudicial “ta na servicio di sector delincuencial, funcion hudicial y hopi di nan huesnan a constitui como huesnan di huur” cu a permiti e impunidad.
A pidi na Ministerio Publico pa realisa e proceso debido pa garantisa e transparencia den su actuacion pa “demostra na e pais cu a procede di manera adecua y pertinente riba esnan cu a ser deteni.”
E operacion a tuma luga dianan despues cu embahador di Merca na Quito, Michael Fitzpatrick, a afirma cu narcotrafico tabata buscando extende su poder y influencia den funcion hudicial y cu a logra un espacio importante den diferente area como clubnan di futbol y medionan di comunicacion. No a ofrece nombernan ni mas detayenan.
