(EFE) – Vice-presidente Colombiano Francia Marquez ayera den apertura di e di dos Foro Global di Refugiadonan a pidi asistencia internacional pa atende e fluho di migrantenan cu su pais ta ricibi, incluyendo esnan di Venezuela of esnan cu ta purba yega Merca a traves di Tapon di Darien.
“Nos Estado no tin e capacidad ni recursonan pa atende e situacion aki, nos tin boluntad politico, claro, pero mester di mas,” e vice-presidente a sigura recordando cu e aña aki cu 500.000 persona di varios nacionalidad a purba di atravesa e selva di Darien cu ta separa Panama di Colombia.
Marquez a recorda cu Colombia ta e di cuater pais na mundo cu ta acoge mas refugiado, casi tres miyon ta Venezolano, y alabes e prome di tin 6.9 miyon persona desplasa pa via di conflicto arma.
“A mi mes a biba e desplasamento forsa dia 5 di october 2014, 2or di marduga, ora mi mester a huy cu mi dos yiu pasobra un grupo arma a declara cu a mi tabata un obhetivo militar,” Marquez ken ta e prome muhe afrodescenciente cu a yega na vice-presidencia di Colombia a bisa.
E mandatario tambe a splica cu na Colombia, paralelamente na desplasamento ta sufri di “aislamento” poblacionnan cu no por sali di nan teritorio pa actividad di gruponan arma of contaminacion cu minanan den nan zona.
Como muestra di e compromiso cu e problemanan aki di Colombia, pais cu ta organisa e di dos Foro Global, Marquez a indica cu dos di e tres miyon di refugiado Venezolano ta ricibiendo status migratorio special, y a concede e nacionalidad Colombiano na 100.000 mucha pa evita cu nan lo por bira apatrida.
Na nivel global, vice-presidente a pidi pa “un legislacion internacional cu por atende e desplasamento forsa,” na su momento tambe “tin nacionnan cu ta nenga di admiti cu tin desplasadonan interno.”
