Investigadornan studiante ta reconoce cu cambio ta necesario den e sistema di educacion local

(CuraçaoChronicle) – Gen-irators, e studiantenan di scol secundario involucra den e instituto Think to DO, tin mas di 4 aña ta haci investigacion riba e miho sistemanan di educacion rond di mundo, kico mester cambia pa prepara muchanan cu habilidadnan di siglo 21y e impacto di e di 4 revolucion industrial riba sociedad y scolnan en general.

Como adultonan hoben cu ta e futuro di e pais, kendenan ta sumamente preocupa tocante e desafio den provee acceso na habilidadmam educacion y training pa hobennan. Sin e habilidadnan adecua, specialmente habilidadnan digital, varios persona hoben lo sigui lucha pa tin un posicion den e mercado di labor na momento di caba cu educacion. Gen-irators ta sugeri mira e 6 paisnan top y aplica algun parti di nan curriculum pa mehora nan propio curriculum.

E studiantenan aki ta reconoce cu cambio ta necesario den e sistema di educacion local. E areanan specifico di e comparacion cu e 6 paisnan ta; Docentenan y ambiente pa duna les, docentenan su habilidadnan y conocemento, temperamento di e docente, cultura escolar, indicadornan di siña, balornan di siña, comprometimento di e studiantenan pa siña, caracter y bienestar, actividad civil, apreciacion di diversidad/compronde otro, determinacion, crecemento di mentalidad, conscientisacion social, maneho propio y atencion na e futuro di trabao. E 6 paisnan compara tabata; Canada, Francia, Alemania, Hulanda, Singapore y Merca.

E paisnan aki ta un modelo pa e miho practicanan den e diseño educacional pa crea habilidadnan di siglo 21 y ta un modelo pa e reforma local. E investigacion tambe a inclui un encuesta di actitud di e studiantenan. E encuesta internacional aki a midi e actitud tocante siña, confiansa propio, tecnologia, reglanan di clima na scol y siguridad na scol, escogencia di curriculum comprensivo, docentenan y adultonan.

Gen-irators a conduci e encuesta aki pa evalua con e studiantenan ta sinti tocante scol. Nan a puntra tocante nan klas, actividadnan pafo di klas y con nan ta sinti en general. E meta ta tabata di haya sa kico ta bayendo bon y kico tin mester di mehoracion den nan scolnan. Nan a busa tambe diferente pregunta pa mira varios aepscto di e experiencia di studiante, yuda nan analisa e factornan y contribui na un experiencia di studiante positivo of negativo.