Diabierna ultimo a tuma lugar e “groundbreaking” di e tanki di WEB na Alto Vista. E proyecto aki mester a wordo bon prepara, mirando cu no ta facil pa baha un tanki asina importante pa districto di Noord, cu ta cubri un sector pa nos comunidad y economia asina grandi.
Segun un comunicado di gobeirno, e inversion aki ta uno hopi importante pa pais Aruba, mirando cu e tanki lo bay bira hopi mas grandi y lo tin mas capacidad. Tambe e material di cual ta traha e tanki lo ta uno mas duradero, pa asina comunidad por conta riba esaki pa hopi aña.
Segun e comunicado, ta spera cu pronto e tanki aki lo keda cla.
