(NLTimes)—Mas cu tres kwart di residentenan Hulandes di 18 aña of mas ta preocupa tocante e consecuencianan di cambio di clima pa generacionnan den futuro, segun un investigacion pa oficina di estadistica Hulandes (CBS). Un estudio separa pa European Investment Bank (EIB) a mustra cu 72% di residente Hulandes ta en fabor di aboli subsidionan y excepcion di impuesto pa e sector di aviacion y tur compania cu ta depende hopi riba combustibel fossiel.
Segun CBS, zomernan seco y simultaneamente un riesgo creciente di inundacion ta e preocupacionnan mas grandi pa adultonan Hulandes. Casi seis den dies respondente ta preocupa tocante e costonan di e politica di clima di gobierno. Seis den dies hende Hulandes ta preocupa tocante e extincion di bestia y especienan di mata y clima extremo manera yobida y hagel fuerte. Tambe tin preocupacionnan tocante e aumento den zomernan calor y nivelnan di lama aumentando cual ta haci e area bibabel mas chikito.
Casi mita di adultonan (44%) ta kere cu e politica di clima di gobierno no lo bay leu suficiente. E politica actual ta suficiente pa casi un kwart di e pueblo. Un den tres persona ta kere cu Hulanda mester solamente persigui un politica di clima streng si paisnan grandi manera China y Merca tambe haci esaki. Un porcentahe mas grandi, esta 45%, no ta di acuerdo.
Di tur adulto, un den tres persona ta hopi preocupa tocante cambio di clima pa generacionnan den futuro. Cuatro den dies ta un poco preocupa. Hende muhenan tin mas chens pa preocupa mas compara cu hende homber y hendenan bieu un tiki mas compara cu adultonan entre 18 y 25 aña di edad.
Casi tres kwart di hende ta kere cu companianan, grandi, e industria y aviacion ta haciendo demasiado tiki pa combati cambio di clima. 66% ta kere cu paisnan pafo di Union Europeo no ta haciendo suficiente pa esaki. Segun e encuesta di clima pa EIB, cual a ser conduci pa 3,000 hende for di 35 pais entre augustus cu september, 72% di residentenan Hulandes kier aboli subsidionan fossiel. Mas cu 1,000 a completa e encuesta.
Mayoria residente Hulandes cu a completa e encuesta (69%) ta considera e aumento di costo di bida e problema mas grandi den e pais. Problemanan di miedo ambiente y clima ta bin den segunda luga. Segun e encuesta di EIB, 53% di hende ta preocupa pa esaki. Un grupo aproximadamente igual (54%) ta kere cu Hulanda mester compensa paisnan den desaroyo financieramente pa e consecuencianan di cambio di clima. E porcentahe ta un tiki mas halto den UE cu 60%.
Mas cu dos tercer di residente Hulandes (71%) ta kere cu e transicion pa un economia clima-neutral ta solamente posibel si desigualdad social y economico tambe ser aborda. Tin menos confiansa den e habilidad di gobierno pa regla esaki: 34% di respondiente ta kere cu e gobierno por sigura un “transicion di clima husto.” Na mesun momento, casi mita di residente Hulandes (53%) lo acorda pa un aumento den inkomstbelasting pa yuda hende cu salarionan mas abao adapta na politica di clima.
Segun vice presidente di EIB, Kris Peeters, e encuesta ta mustra cu “al contrario di loke bo ta lesa riba red social, un mayoria grandi di e poblacion Hulandes kier aborda cambio di clima y ta mira abolicion di subsidionan di combustibel fossiel como un di e varios manera pa logra esaki.”
