(NLTimes)—Awo cu e eleccionnan parlamentario na Hulanda a caba, e proceso di forma e proximo gabinete Hulandes por cuminsa. Y cu un victoria masivo di Geert Wilders y su partido derechista PVV cu a sacudi e paisahe politico di Hulanda central na esaki, e proceso di formacion probablemente lo dura largo. Esaki ta kico por espera, segun AD.
Awe, presidente di parlamento Vera Bergkamp lo ricibi e lidernan di e partidonan cu a ricibi un asiento den parlamento. Durante e reunion aki, un scout lo ser eligi pa mira con e partido ta mira otro y e formacion di e proximo gobierno. Como e ganado, lider di PVV Geert Wilders lo presenta un candidato. E candidato presenta tipicamente ta haya sosten. E conteo di voto lo mester ta finalisa dialuna, 27 di november, y e Conseho Electoral lo anuncia e resultadonan oficial 10or di mainta diabierna, 1 di december. Mientras tanto, e comite di credencialnan lo investiga e conducta di eleccion y determina si e un reconteo of revoto ta necesario.
Diamars dia 5 di december, e gabinete bieu lo tuma su retiro. Parlamentarionan cu no lo regresa Tweede Kamer lo haya un despedida y adresamento oficial pa presidente Bergkamp. Bergkamp mes no lo regresa. E dia siguiente, dia 6 di december, e parlamento nobo lo ser instala. E parlamentarionan nobo lo bay huramenta, y procedura pa eligi un presidente nobo pa Tweede Kamer ta cuminsa, y e partidonan lo tuma nan luga riba bankinan.
Diahuebs dia 7 di december, e parlamento nobo probablemente lo tin su prome debate, y e topico lo ta e resultadonan di eleccion. Tambe nan lo discuti e rapport di e scout riba kico e partidonan ta pensa di e formacion. Tipicamente e “informante di formacion” tambe ta ser apunta na fin di e debate aki. E informante di formacion usualmente ta un ex-politico. Nan trabao ta pa investiga di y con un gabinete nobo por ser forma. Cuminsando dia 8 di december, e “black box” ta cuminsa. E lidernan di partido ta bishita e informante, ken ta rechasa coalicionnan imposibel y ta sigui investiga esnan mas posibel.
Como e lider di e partido mas grandi, Geert Wilders ta un candidato prominente pa prome minister. Sinembargo, hopi partido tin duda pa traha cu PVV. Aunke mucho menos dudoso cu prome. VVD no ta completamente oponente di esaki mas, por ehempel. Y mientras Pieter Omtzigt di NSC a bisa cu e lo no traha cu PVV mientras cu programa di e partido a bisa cu Islam mester ser prohibi na Hulanda.
Hunto, e tres partidonan derechista ta wanta 80 di e 150 asiento den parlamento, segun e ultimo pronostico. Y e coalicion por conta riba apoyo for di 56% di votado, segun un encuesta di Hart van Nederland. Ta posibel cu PVV no lo haya suficiente similaridad cu e otro partidonan pa forma un coalicion di mayoria. Den e caso ey, e partido gana por ser exclui for di e coalicion—un coalicion centrista di GroenLinks-PvdA, VVD, NSC y D66 lo tin un mayoria di 78 asiento den parlamento, pero e coalicion aki por solamente conta riba apoyo for di 25% di votadonan.
Otro opcionnan ta un gabinete di minoria, cual lo mester apoyo for di partidonan den oposicion pa pusha plannan via parlamento, of un “gabinete di empresa” lidera pa un persona cu nunca tabata riba e encuesta di votacion.
No tin ningun deadline pa e proceso aki. E formacion anterior a tuma 11 luna pa completa. Pues no ta claro ki ora Mark Rutte lo retira di su debernan y si esey lo sosode na tempo pa su careda electoral como hefe di NATO.
