Riba un conocido pagina di turista na Aruba, un usuario a comparti potret di tar of azeta cu a keda pega riba su cuero y riba su paña despues di un bishita na Arashi.
E usuario a adverti e otro bishitantenan pa no bay Arashi por lo pronto.
Mientras mayoria di otro miembronan di e grupo a comparti tips con pa elimina e substancia aki for di e cuero y e paña, otronan a sugeri alerta gobierno riba e asunto.
Otro turista a comenta cu tambe a nota tar na Santo Largo.
Mientras tanto, no tin alerta oficial di autoridadnan di Aruba tocante tar na ningun localidad.
