(AP) – Organisadornan di Coldplay su concierto riba diaranson na Malaysia por stop di e banda no comporta su mes, segun un minister a bisa mientras e gobierno a rechasa conservativonan Musulman su yamadonan pa cancela e show.
Lidera pa e pais su bloke di oposicion, conservativonan Musulman a protesta contra e concierto a causa di Coldplay su sosten na e comunidad LGBTQ+. Recientemente, nan a pusha tambe pa e concierto ser para den solidaridad cu e Palestinonan asesina den e guera entre Israel y Hamas.
Minister di Comunicacion y asuntonan Digital Minister Fahmi Fadzil a bisa cu e no ta premira ningun problema cu Coldplay su prome concierto na Malaysia mas durante e anochi. Siguridad a ser aumenta pa e show cu ta premira di atrae 75,000 persona na e stadion pafo di Kuala Lumpur. “Si, e ta un di e cosnan cu nos a trata cu e organisador,” Fahmi a bisa cu ora a puntra si lo haci uso di un ‘kill switch’ pa corta e suministro di poder.
“ E Prome Minister a bisa tambe cu e banda ta expresa sosten pa Palestina. Nos ta kere cu e lo ta un gran concierto awe,” el a agrega.
Malaysia a introduci e medida di ‘kill switch’ recientemente despues di un controversia causa pa e banda Britanico The 1975 na Kuala Lumpur den juli. E banda su cantante a viola e leynan anti-gay y a sunchi un compañero di e banda masculino durante nan concierto, cual a genera critica fuerte entre e Musulmannan y cu e gobierno a corta e festival musical di 3 dia.
Prome Minister Anwar Ibrahim a hustifica permiti e concierto di Coldplay, bisando parlamento cu “Coldplay ta entre e bandanan cu ta sostene Palestina.” El a nota cu e administracion anterior a aproba e concierto. Anwar a bisa cu gruponan Pro-Palestina tambe a acerca su oficina expresando sosten pa e concierto di Coldplay.
