Bonaire Human Rights, Movementu Pa Kambio y Pueblo Progresivo Uní ta organisa un conferencia internacional – di 8 Simposio: Colonialismo Contemporario y Reparacion den Caribe.
E simposio ta tuma luga di 30 di november pa 3 di december 2023, cu entre otro siguiente participantenan: Dr. Carlyle Corbin, Experto di Nacionnan Uní; Dr. Eric Phillips, Vice Presidente di Comision di Reparacion di CARICOM; Joe Koolman, Presidente di Comision di Decolonisacion di COPPPAL y otro representantenan y participantenan invita di Boneiro, Corsou, Aruba, San Andres / Providencia, Puerto Rico, Guyana Frances, Islanan Virgen di Estadonan Uni, Islanan Virgen Britanico, Anguilla, Bermuda, Sint Eustatius, Saba, Sint Maarten Hulandes, Sint Maarten Frances, Mexico, Bolivia, Peru, Panama, Belize, Honduras y otro paisnan.
Nos esfuerso ta pa uni pueblonan cu antecedente similar y obhetivo comun di Reparacion, Autodeterminacion y Decolonisacion den Caribe y Sur Amerika.
E obhetivo di e conferencia ta pa reuni lidernan, activistanan, profesionalnan, specialistanan y expertonan di diferente origen pa facilita comunicacion y promove educacion tocante e opcionnan di status di completo igualdad politico, medida completo di propio-gobernacion, decolonisacion y reparacion.
E proposito di e conferencia ta pa avansa comprendemento di e proceso y progreso di evolucion di e status politico di paisnan y teritorionan sin propio-gobernacion den Caribe y Sur Amerika.
E conferencia di 4 dia lo inclui un tayer y debate politico pa Hobennan, discusion di nivel halto riba e topico di decolonisacion y reparacion, apertura di un oficina regional di COPPPAL den cooperacion cu Bonaire Human Rights y e anuncio di James Finies su siguiente paso.
Personanan local tambe ta cordialmente invita na e simposio importante aki.
