(TMZ) – Keke Palmer a pidi custodia completo tanto legal como fisico di su yiu di 8 luna den otro desaroyo durante su separacion di ex pareha Darius Jackson.
Segun documentonan obteni pa TMZ, e actris ta pidiendo hues otorga su persona cu custodia completo di su baby Leodis Andrellton Jackson. Keke no kier drenta den detaye tocante dicon el a haci e peticion aki.
E peticion a declara cu Keke ta dispuesto pa paga e gastonan rasonabel di embaraso y duna luz pero tambe e ta pidi Corte ordena Darius asisti cu e gastonan di abogado y expertonan. Manera a reporta, e ruptura di e pareha su relaciona a cuminsa ora cu Darius publicamente a insinua cu Keke su vestuario na un concierto di Usher na Las Vegas tabata inapropia pa un mama bisti. Keke a mantene su posicion riba su seleccion di bistimento riba Instagram y Ushaer a expresa sosten, cual a causa cu Darius no tabatin hopi sosten for di publico pa cu su punto di bista.
Cu otro capa complica na e peticion, Keke tambe a aparentemente a pidi un orden di alehamento contra Darius, segun Us Weekly. Den e documentonan, Keke ta acusa cu a tin “varios instancia di violencia fisico” cu Jackson, incluyendo un cu a tuma luga dia 5 di november cual segun Palmer e tin graba riba video.
