(AP)—Fanaticonan di Prince, ken tabata conoci casi mesun hopi pa su pañanan extravagante como su cancionnan hits, lo tin un chens pa haci un oferta riba algun di e piesanan di e cantante durante un subasta online e siman aki.
E coleccion, incluyendo mas cu 200 set den benta, a ser asamblea pa un colector Frances cu a spera pa habri un museo celebrando e cantante pero despues a cancela e plan, segun RR Auction di Boston, cual ta encarga di e benta.
E colector a tuma contacto cu individualnan cu a traha cu Prince pa recauda e obhetonan, keriendo cu e artista “trendsetter”, ken a muri na 2016, no tabata solamente un virtuoso musical pero tambe un icono di moda, segun e cas di subasta.
Un di e highlightnan di e subasta ta un camisa blanco bisti pa Prince durante su presentacion di “Purple Rain” durante e American Music Awards na 1985. E cas di subasta ta calcula su balor na 15,000 dollar. E subasta ta sigui e evolucion di Prince den musica y moda for di su era di “Purple Rain” te na su morto, segun Bobby Livingston di RR Auction.
“Loke e subasta aki ta haci ta mustra e influencia y legado di Prince cu su estilo di moda y con e ta relata na awendia, ora bo ta mira tur e artistanan riba tour, bo sa, diferente costuum, diferente trahe, reinventando nan mes pa cada tour,” manera el a bisa.
E trahe cu Prince a bista for di “Under the Cherry Moon” tambe lo bay den findishi, un pelicula di 1986 cu Prince den rol principal cu tambe a marca su debut como director. E cas di subasta a haci un calculacion di balor riba e trahe di 45,000 dollar.
Ademas di moda, e subasta aki ta inclui potretnan original, grabacion master di albumnan popular y documentacion oficial tocante su peliculanan y video clipnan.
E subasta ta cera diahuebs. Na comienso di e aña aki, e cas di Prince na Minnesota a honr’e por medio di renombra un pida highway den su honor. E ink di pen cu cual e gobernador a firma e legislacion tabata den biña—Prince su color.
