(AP) – Suecia su productor mas grandi di webo, cual tabatin casi 1.2 miyon galina prome cu un brote di salmonella, a ricibi ordo pa eutanisa tur di nan pa asina por limpia e facilidad completamente.
Swedish Board of Agriculture a rindi riba tur esfuerso pa limpia e casnan di e galiñanan na CA Cedergen, cual tin brotenan brotenan frecuentemente di salmonella den e ultimo aña, Suecia su noticiero principal tocante agricultura a informa diaranson.
Autoridadnan di Suecia a purba limpia e cas di galiñanan infecta na e compania aki. “E no tabata exitoso y awo cu nos tin un infeccion un biaha mas, nos tin cu haci algo diferente,” Katharina Gielen a conta ATL. E no ta cla cuanto di e galiñanan lo ser eutanisa ni tampoco tabatin comentario directo ni inmediato for di CA Cedergen.
Den juli, Suecia a experiencia un escasez cortico di webo como resultado di un brote di salmonella cu a tuma luga den december di aña 2022 y a afecta e compania. Den april a stop tur entrega di CA Cedergen despues cu a haya bacteria di salmonella den e compania su camber di empaketa webo. Den augustus mester a eutanisa 340,000 galiña despues cu a descubri infeccion di salmonella den dos di e casnan.
