(AP) – Algun ta huerfano, otronan kita for di nan mayornan. Hopi ta mas grandi caba y tin necesidad of incapacidad abrumante. Mayoria di nan ta carga cu e cicatriz di trauma for di keda bula di cas pa cas, na ser separa for di nan rumannan of abuso sexual y/of fisico.
Agencianan di servicio pa proteccion di mucha tin decada ta lucha cu con pa haya un cas permanente pa e tipo di mucha y hobennan vulnerabel aki, cual ta un desafio asina grandi cu nunca trahadornan social ta garantisa un fit perfecto.
Den e problema aki, Thea Ramirez a tuma un paso cu loke el a yama un solucion tecnologico, un herment podera pa inteligencia artificial cu lo por premira cua famianan adoptivo lo keda hunto. Ramirez a bisa cu e algoritmo aki, diseña pa ex-investigadornan na un servicio di dating, por aumenta adopcionnan exitoso rond di Merca y promove eficiencia na agencianan di bienestar di mucha cu ta preta pa placa. “Nos ta usando ciencia, no solamente preferencia, pa establece un puntuacion capaz di premira exito den termino largo,” Ramirez a expresa den april di aña 2021 durante un video tocante su ambicionnan pa “cambia e manera cu Merca ta match famianan cu muchanan” usando e algoritmo Family-Match.
Un investigacion di Associated Press a haya cu e herment aki, entre tiki algoritmo di adopcion den e mercado, a produci resultadonan limita den e estadonan unda el a ser usa, segun Family-Match su data reporta cu AP a obtene via peticion di recordnan publico.
Ramirez tambe a elogia di mas e capacidad di su algoritmo na oficialnan di Gobierno mientras el a purba expande su uso, hasta aunke trahadornan social a conta AP cu e herment no ta util y hopi biaha a hiba nan na famianan cu no tabata dispuesto. Virgina y Georgia a stop e ronda di test di e algoritmo notando su inhabilidad di produci adopcionnan, aunke ambos estado a sigui negoshi cu Ramirez su organisacion Adoption-Share, segun AP su evaluacion di centenares di documento. Tennessee tambe a corta e programa prome cu a haci uso di esaki, bisando cu e no a traha cu nan sistema interno despues cu oficialnan a pasa mas di 2 aña purbando di pone den otro y trahadonan social a reporta experiencianan mixto cu Family Match na Florida, unda su uso ta bao expansion.
E experiencianan aki, AP a haya, ta provee lesnan pa e agencianan di servicio social cu ta busca manera di usa analisis di pronostico sin cu nan ta completamente al tanto di e tecnologia su limitacionnan, specialmente ora ta purba di atende e tipo di desafionan humano manera haya cas pa muchanan describi pa huesnan como “menos probabel di ser adopta.”
“Nunca lo tin un manera 100 porciento sigur pa nos por premira comportamento di ser humano,” Bonni Goodwin, experto di data di bienestar di mucha na Oklahoma a expresa. “No tin nada cu por premira menos cu adolescencia.”
Ramirez ta un ex trahado social y casa di un pastoor di Georgia, ken tin hopi tempo caba ta busca manera di promove adopcion como un manera di reduci aborto, segun su declaracionnan publico, corantnan y publicacionnan online. Mas di un decada atras, el a lansa un website pa conecta muhenan na estado cu mayornan potencialmente adoptivo. El a promove esaki como e “unico comunidad online cu ta exclusivamente pa conecta centronan di crisis di embaraso” y “a compromete di duna den donacion 10 porciento di entrada di miembresia na e tipo di centronan di conseho anti aborto”. Ramirez a bisa den un e-mail cu Family-Match no ta asocia cu e tipo di centronan aki.
Segun trahadornan social, esaki ta e manera cu Family-Match ta traha: Adultonan cu ta buscando adopta ta entrega nan respuesta na un encuesta via e algoritmo su plataforma online y e mayornan cu tin muchanan adoptivo bao nan cuido of trahadornan social ta ingresa cada mucha su informacion. Despues cu e algoritmo genera un puntuacion cu ta midi e “fit di relacion,” Family-Match lo mustra un lista di e mayornan top pa cada mucha. Despues e trahadornan social ta evalua e candidatonan.
