(AP) – Rapper Kendrick Lamar lo ta e acto principal na Move Afrika: A Global Citizen Experience, un iniciativa nobo pa establece un circuito di tour internacional den e continente di Africa lansando cu un concierto na Kigali, Rwanda dia 6 di december.
Global Citizen su CEO Hugh Evans a bisa cu Lamar su show na BK Arena lo ser financia cu un mescla di donacion filantropico y fondo di corporacionnan cu speransa cu e Rapper ganador di premio Pulitzer lo demostra e oportunidad pa artistanan di Africa su generacion di personanan hoben.
“Move Afrika ta tocante empresa social, y durante tempo, e lo provee certidumbre na nos bendedornan y partnernan, permitiendo nan por crece y expande,” Evans a conta The Associated Press. “Nos meta ta pa e tour aki trece dilanti crecemento y desaroyo di negoshinan chikito den e region y pa hiba ambos nos evento y hopi mas durante henter aña, mientras artistanan ta haci uso di e rutanan di e tour.”
Artistanan Africano manera Burna Boy, Rema y Davido recientemente a mira hit den henter mundo. MTV a agrega e categoria di Best Afrobeats Video na su premiacion di e aña aki. Grammys a anuncia tambe cu nan lo agrega un premio pa Best African Music Performance proximo aña. Kweku Mandela, Globan Citizen su hefe di vision, a bisa cu Africanonan mester por experiencia e conciertonan mas grandi di mundo di mesun manera cu tur otro hende. “E motibo cu ta credita na esaki hopi biaha ta falta di infrastructura y falta di ekiponan tecnico,” Mandela a splica. “E realidad ta cu tin un falta di kier, pa motibo cu mi a mira algun di e artistanan mas grandi bini e continente aki durante e ultimo decadanan.”
Ademas di Lamar, Move Afrika: Rwanda lo tin otro artistanan regional, cura pa Lamar y Dave Free su compania di servicionan creativo pgLang y un campana cu lo urgi lidernan mundial pa tuma accion riba e topiconan cu ta afecta Africa.
“Nos ta cuminsando cambio den e generacion,” Mandela a expresa. “Nos tin speransa cu esaki lo manda un mensahe na henter e industria cu no solamente tin un gran oportunidad den e continente pa nan traha cune y duna bon bini, sino tambe, cu tin algo necesario considerando unda nos ta bayendo como sociedad y como humanidad.”
