(TMZ) – Matthew Perry tabata kier laga mas cu su fama como Chandler Bing atras den e forma di un fundacion dedica na yuda personanan cu ta sufri di abuso di substancia. Segun fuentenan cercano na e difunto actor, den e lunanan prome cu su fayecimento, Matthew tabata den e etapanan di comienso di crea e fundacion, cerca na loke Betty Ford a haci cu su fundacion na Palm Springs.
Aunke Matthew a fayece prome cu su soño por a bira un realidad, segun e fuentenan cercano di TMZ varios persona di su circulo cercano kier sigui cu e trabao den su honor y nan tin plan di haci esaki bira un realidad.
Matthew tabata hopi habri tocante su historia cu abuso di substancianan y esaki ta un topico hopi grandi den su buki sinembargo e tabata completamente sin uso di substancia ultimamente y tabata usa pickleball pa yuda cu su recuperacion.
E tabata kier pa su legado ta yuda hende cu tambe ta lucha cu e problematica aki y no solamente su rol den e hit “Friends.” E fundacion posiblemente por cumpli e meta aki. E lo ta interesa pa mira con e vision di Matthew den forma di un fundacion lo tuma luga.
