(NLTimes)—Oficialnan municipal na Hulanda cu un historia di migracion ta experencia discriminacion y racismo structural door di coleganan, segun e investigacion pa Kennisplatform Inclusief Samenleven (KIS).

E investigadonan di KIS a yega na nan conclusion despues di dos aña ta investigando y combersando cu 31 oficial ehecutivo municipal y 20 gerente for di seis municipio. E rapport a revela cu ta parce cu procedura- y reglanan dentro di organisacionnan municipal ta encurasha discriminacion y racismo.

E investigacion ta confirma reportahenan anterior di discriminacion y racismo dentro di entidadnan gubermental. Sinembargo, e efecto di e racismo institucional aki ta mas pronuncia ainda riba nivel municipal, segun e investigadonan a enfatisa.

“Esaki ta extra problematico pasobra municipionan tin e deber legal pa aborda racismo y discriminacion pa nan residentenan,” manera investigado Hanneke Fleten a splica. “E ora nan mester tin esaki na ordo pa nan mes. Sino, nan no por ta un bon ehempel pa ciudadano- y companianan.”

Sirbidonan civil a reporta nan experencia cu discriminacion, por ehempel por medio di ser critica ora un hende den nan historia migratorio a comporta negativamente. Esnan cu a expresa nan preocupacionnan tocante discriminacion of racismo frecuentemente a ser exclui, cual ta causa otro pa keda keto pa medio di perde trabao of ser considera como “dificil.”

E rapport tambe a revela cu despues di e lockdown di COVID-19, hopi oficial cu un historia migratorio tabatin medio pa bay traha back pa via cu nan a anticipa comentarionan discriminatorio. Nan ta prefera traha for di cas pa asina preveni esaki. Felten a nota cu hopi remarke racismo ta sconde tras di “jokes” pero sa mustra racismo den e luga di trabao.

Hopi sirbido civil a reconoce e comportamento reporta pa nan empleadonan “afecta” pero hopi biaha sa considera esakinan no importante. E estudio a descubri tambe cu pa via di racismo structural, hopi oficial cu un historia migratorio ta renuncia for di nan trabao y ta enfrenta oportunidad cu ta reduci e chens pa un promocion compara cu nan coleganan.

Investigadonan di KIS a remarca cu e tendencia aki ta causa cu organisacionnan municipal ta bira menos representativo pa sociedad, posiblemente afecta e calidad di servicio pa esnan cu un historia migratorio. Sinembargo, nan a agrega cu discriminacion dentro di un municipio ta afecta tur residente negativamente, no solamente esnan cu un historia migratorio. Felten a declara cu discriminacion por resulta den tensionnan halto y polarisacion, cual ta stroba solidaridad di bisindario.

Municipio di Amsterdam ta tuma accion den respuesta di descubrimentonan di discriminacion na trabao
 Amsterdam tabata un di e ciudadnan cu a participa den e estudio. Un otro estudio publica dialuna a revela cu empleadonan na e municipio di Amsterdam ta experencia racismo, discriminacion, tentamento y microagresion na trabao. Como respuesta riba esaki, e municipio a anuncia cu un liña di yamada externo pa sosten lo ser estableci y lo recluta confidentenan externo.

Agencia di investigacion Muzus a conduci entrevistanan cu 40 oficial municipal entre november 2020 y september 2023 riba e peticion di e municipio y tambe a organisa tres grupo di enfoke.

E estudio a revela cu gerentenan no semper sa con pa responde ora nan ta enfrenta señalnan di discriminacion y exclusion. Empleadonan a indica den e encuestanan cu nan ta nota un efecto positivo inmediatamente ora un gerente sa con pa responde.

“Un medio ambiente inclusivo, social y sigur ta un rekisito fundamental pa tur organisacion y pa keda conecta cu e ciudad diverso cu Amsterdam ta. Desafortunadamente, esaki no ta e caso tur ora awo,” segun Hester van Buren, alcalde responsabel pa finanzas, personal y organisacion. “Nos tabata consciente caba di reportahenan riba discriminacion y racismo, pero ta algo otro pa lesa tocante nan den rapportnan investigatorio,” el a añadi.

El a declara cu varios medida lo ser implementa como contesta riba e dos rapportnan. Confidentenan externo lo ser recluta pa facilita reportahe pa empleado. Un centro pa guia tambe lo ser estableci, y e proceso actual pa reporta lo ser amplia cu experticio externo. Gerentenan lo ricibi asistencia den adresamento di e problemanan aki dentro di nan team y lo haya training regular riba e topiconan aki.

Un tercer estudio encarga pa e municipio lo ser conduci na comienso di 2024 pa asina provee mas conocemento di e extento di e problema, manera a anuncia.