(AP) — Max Verstappen a separa e prome rij di Charles Leclerc y Carlos Sainz na comienso di e careda pa tuma e delantera di e Grand Prix Mexicano di Formula Uno den e prome birada, y despues a core te su record di 16 victoria den un temporada ayera diadomingo.
E triple-campeon di Red Bull a colecta su di tres victoria consecutivo na e Autodromo Hermanos Rodriguez y a kibra su propio record di mas victoria den un temporada, cual e tabatin di aña pasa.
Verstappen a cuminsa na di tres lugar y a gana for di e mesun spot cu el a haci na 2021. E tempo aya, el a usa e efecto sligshot ey draft den e straight largo na comienso pa pasa pafo y pasa dos auto. E biaha aki, e comienso lihe di Verstappen den linea di comienso a permitie primi su mes entre e dos Ferrari y bay den e dilanti.
E tabatin mas trabao pa haci. Un accident di piloto di Haas, Kevin Magnussen na e punto medio a forsa e careda pa stop y cuminsa di nobo. Verstappen a domina esaki tambe y nunca tabata den peliger pa e bandera final. E di 51 victoria den e careda di e piloto Hulandes a empata cu Alain Prost pa e di cuatro lugar den mayor cantidad di victoria den historia di Formula Uno. Piloto di Mercedes, e veterano Lewis Hamilton, ta lidera cu 103 victoria. Hamilton a keda na di dos lugar ayera, cu Leclerc na di tres.
Leclerc a cuminsa den posicion pole pa di dos careda consecutivo, pero atrobe a faya den converti esaki den un victoria. Den su di 22 inicio den pole di su careda, Leclerc a gana apenas cuatro biaha.
Faborito na cas, Sergio Perez a mira su careda termina trempan. E piloto Mexicano, kende ta luchando pa di dos lugar den e campeonato tras di Verstappen, a cay afo den prome skina ora su auto a clip taira cu Leclerc y a bula halto de laira. E golpi a silencia e multitud enorme cu a saluda Perez cu grito y aplauso na cada buelta henter weekend. Hopi di e publico a bandona e sitio despues di accidente. Mas criticamente, esaki a permiti Hamilton cera un gap di 39 punto cu Perez na apenas 20, cu tres careda faltando.
Perez no a gana desde april, y no tabata riba e podium den ultimo cinco careda.
