(NLTimes) – Un mayoria di reportero na Hulanda no ta contento cu con e gobierno ta provee acceso na informacion. Esaki ta e conclusion di instituto Centerdate despues di a haci un encuesta cu 256 reportero tocante nan experiencia cu e acta Wet open Overheid, cual ta e acta di acceso publico na informacion di gobierno.
Di e personanan cu a participa den e encuesta, 57 porciento a expresa falta di satisfaccion, cu un rango di no satisfecho te na sumamente insatisfecho pa loke ta concerni e gobierno su cooperacion den acceso na informacion publico.
Un keho comun ta e duracion prolonga cu e ta tuma pa un peticion di informacion keda procesa. Pa mas di mita di e peticionnan entrega pa e reporteronan, e periodo di e proceso legal a pasa sin cu a establece un cuadro di tempo nobo. Un mayoria di e reporteronan a asumi cu e atrasonan aki tabata politicamente motiva y pues intencional.
Ora cu un peticion pa informacion keda nenga, un gran mayoria di e reporteronan a ser informa cu “basenan excepcional” tabata e motibo tras di e negacion. Den e casonan aki, parti di e informacion ta ser redacta of un documento por ser completamente wanta y no duna na e reporteronan.
E estudio aki a ser comisiona pa Adviescollege Openbaarheid en Informatiehuishouding (ACOI). E meta di e ley ta pa haci gobierno mas transparente y mehora e accesibilidad na informacion gubernamental. E ley a ser adopta na mei di aña 2022, despues di Wet openbaarheid van bestuur (Wob). E distincion principal entre e dos leynan ta cu bao di Woo, e gobierno mester proactivamente revela e informacion.
