E aña aki C-Mart ta celebrando un aña di existencia y en conexion cu e gran logro aki C-Mart ta anuncia tres evento grandioso pa pueblo di Aruba tambe celebra hunto cu nan.

E gran celebracion ta cuminsa dia 27 di october y lo finalisa 12 di november durante cual pueblo di Aruba completo lo por gosa en grande di e diferente eventonan special cu C-Mart lo ta ofreciendo.

Cuminsando dia 28 di october, ta bay tin un evento grandi den e parking lot di C-Mart cuminsando for di 4or di atardi te cu 9or di anochi. E dia aki ta bay tin diferente actividad pa e muchanan, manera entre otro dino jump, pintamento di cara, popcorn y cotton candy gratis.

Ta bay tin entretenimento musical, brassband cu lo ta compañando e reina di Aruba su carnaval kende ta bay ta entregando cupcake gratis na tur presente y pa 6or di atardi, e banda musical D-Licious lo deleita e publico presente te cu 9or di anochi.

Paden di e tienda tambe e bendedornan local, hunto cu e diferente departamentonan di C-Mart lo ta brindando un variedad di degustacion na esnan presente.

Dia 29 di october ta bay tin e evento di Trick or Treat specialmente pa e muchanan cu ta cuminsa 9or di mainta te cu 4or di atardi. Durante e dia aki ta bay tin pa e muchanan un biaha mas pintamento di cara, popcorn y cotton candy gratis y mucho mas. Ta bay tin premio tambe pa e famia cu ta miho disfrasa pa Halloween.

Dia 4 di november, C-Mart ta bay tin tambe su prome Fashion Show. C-Mart ta carga diferente marca di paña manera Reebok, Converse, Adidas, Under Armour y Punto Blanco, entre otro.

E Fashion Show aki lo ta tumando luga for di 3or di atardi te cu 6 or di atardi na C-Mart Cafe, di dos piso, unda un tambe lo tin degustacion di biña, keshi y mas.

E Fashion Show ta ser organisa conhuntamente cu Kids & Youth in Action Foundation cu lo ta encarga cu e presentacion di modelahe di e pañanan di C-Mart ariba e dia aki.

Apart di e tres eventonan grandi aki menciona, durante e dos simannan for di 27 di october te cu 12 di november, C-Mart ta bay tin diferente giveaways. Cu cada compra di 50 florin of mas den cualkier departamento di C-Mart, bo ta participa pa gana diferente giveaway.

Aruba completo ta cordialmente invita pa celebra e prome cumpleaño di C-Mart!

C-Mart no ta solamente un luga unda cu bo ta pasa haci compras den supermercado, pero tambe un momento pa famia. E no ta simplemente un supermercado, sino un experiencia pa e pueblo di Aruba.