(TMZ) – No, Jake Paul no tabata usando cocaina den e ring despues di pelea di boxeo di su ruman Logan weekend ultimo, segun e mes ta bisa, mientras e ta combati e acusacionnan cu comedia.
E strea di internet di 26 aña di edad y pugilista a ser mira riba camara ta toca su nanishi mientras e tabata para tras di su ruman grandi despues di su victoria riba Dillon Danis na Manchester, cu hopi hende riba rednan social acusando e di usa cocaina dilanti tur hende.
Paul a papia di tur esaki den su video mas recien riba YouTube, burlando di e acusacionnan loco door di rondona su mes cu bleki di Coca-Cola y tirando puiro blanco den aire manera LeBron James.
“Boso kier Coke?” Paul a puntra su amigonan mientras e tabata pretende di ta droga.
Despues di hari, Paul a bira serio, bisando cu su gesto tabata resultado di ta un persona cu ta soda hopi – hasta haciendo zoom riba su nanishi pa mustra con muha su cuero ta bira di “cinco minuut di existi.”
Ademas, su participacion den un bringamento despues di e pelea oficial no a yuda su problema di sodamento. “Mi a bay bringa pa yuda salba mi ruman,” Paul a agrega. “Cuarenta homber grandi tur rond di mi… mi ta literalmente baña den sodo.”
El a continua bisando “mi a sali, tur hende sa cu mi ta e persona di mas soda na mundo… Mi ta bisti mi pechi y mi ta literalmente ta soda na mi cara, pues mi tabata djis kitando e sodo for di mi cara.”
