(NLTimes) – Rapporteur nacional pa trafico humano ta sumamente preocupa cu un cantidad den aumento di personanan di Ucrania cu ta cayendo victima di trafico humano na Hulanda. Aña pasa tabatin 51 reportahe di victimanan di Ucrania, compara cu 7 den aña 2021. En total, a reporta 814 caso di trafico humano na Hulanda aña pasa segun NRC a reporta.
Rapporteur Nacional Conny Rijken ta specialmente preocupa pa e victimanan di Ucrania. “Esakinan ta personanan cu a huy for di un guera y ta ser explota na Hulanda. Nos ta mira cu agencianan di empleo ta abusando di Ucranianonan,” el a conta e corant. Nan ta traha demasiado ora pa pagonan sumamente abao of hasta sin pago en general. “Nos conoce di casonan unda hende mester drumi den e mesun luga unda nan ta traha.”
Segun Rijken, e situacion di e refugiadonan di Ucrania explota ta “e responsabilidad di tur di nos.” Casi semper tin personanan cu ta mira señalnan di explotacion. Reporta e señalnan aki.
Hulanda tin tiki bista riba trafico humano, Rijken a bisa. Parti di e problema ta cu e victimanan no ta bini dilanti, algun biaha pa motibo cu nan no ta realisa cu nan ta victima di explotacion y otro biahanan pa motibo cu nan no sa unda pa bay. Problemanan di capacidad na autoridadnan di investigacion ta otro problema. E cantidad di sospechosonan identifica pa polis a disminui di mesun manera cu casonan registra pa Ministerio Publico (OM).
Autoridadnan a mira un total di 814 caso di trafico humano na Hulanda aña pasa y esaki ta inclui explotacion sexual, explotacion criminal y explotacion laboral. E cantidad real ta premira di ta hopi mas halto, calcula na por lo menos 5,000 victima pa aña.
Den aña 2022, e Ministerio Publico a lidia cu 200 caso so, mita cabando cu un convocacion y 45 porciento retira.
