(NLTimes)—Diaranson Shell a firma un contracto den largo plaso cu Qatar Energy pa suministra gas likido natural pa Hulanda. E acuerdo ta envolvi 3.5 miyon ton di gas natural pa aña cuminsando for di 2026 pa un periodo di 27 aña, segun Financieele Dagblad a reporta.
E gas lo ser extrai for di dos tereno di gas grandi cerca di Qatar den cual Shell tin un interes. E gas lo ser likida na Qatar y despues manda na e terminal na Rotterdam. “E acuerdo aki ta reafirma e compromiso di Qatar pa yuda Europa logra e demanda di energia y fortalece e siguridad di energia cu un fuente conoci pa su calidadnan superior pa e economia y medio ambiente,” segun Saad Sherida Al-Kaabi, e minister di Asunto di Energy di Qatar, ora a fima e acuerdo cu CEO di Shell Wael Sawan na Doha.
Cu e tereno di gas na Groningen cera y Europa sin gas for di Rusia, otro fuentenan di LNG ta birando mas importante pa Hulanda y otro paisnan Europeo. Luna pasa, NRC a reporta cu e ex-minister di asunto den exterior Wopke Hoekstra y su Ministerio a rechasa critica di e situacion di derecho humano na Qatar prome cu Copa Mundial parcialmente pa via di e gas cu e Estado di Emiratos ta provee.
Esaki ta e segunda acuerdo di LNG grandi pa Qatar e luna aki. Siman pasa, Qatar Energy a firma un acuerdo similar cu compania Frances Total pa e suministro di gas pa Francia. E acuerdo cu Shell tambe ta bin durante un temporada politicamente sensitivo, mirando e atakenan recien na Gaza y Israel. Segun NOS, e movemento militar Hamas a surgi for di e Fraternidad Musulman cu ta operando mundialmente, cual parcialmente ta ser financia pa Qatar. E lider di Hamas tambe ta biba na Qatar.
