Den su edicion di ayera, Bon Dia Aruba a publica algun detaye di e jaarverslag cu cifra y datonan di criminalidad di Aruba publica pa Ministerio Publico. Den e edicion aki, ta comparti algun dato mas, unda entre otro, por nota cu den tur caso di homicidio na 2022, Corte a duna un sentencia mas abao di loke OM a pidi.

TOM-zitting

Ademas di e hecho cu e areglo di TOM (taakstraaf) ta faborable pa e sospechoso pa motibo cu e sepot condicional no ta afecta e obtencion di un Certificado di Buena Conducta (VOG), e tambe ta reduci e presion riba capacidad di corte. Na 2021, a cita 286 sospechoso pa e TOM-zitting, di cual 201 a presenta. Na 2022, no a tene ningun TOM-zitting special di ‘toque de queda.”

TOM-zitting MBI

E presencia na 2022 tabata abao, mientras cu den añanan recien a mustra cu presencia tabata halto, y e resultado ta exitoso. Sospechosonan cu no a presenta ta keda cita subsecuentemente. Ta ofrece esnan cu a comete ofensa un programa special, cual generalmente nan ta completa exitosamente. Nan ta guia pa Reclassering. Di e 156 persona cita pa e TOM-zitting na 2021, 104 a presenta.

Zitting pa crimen

Na 2022, e sesionnan di diahuebs a conta cu bon presencia un biaha mas. E uso di stagiaire tabatin meta pa reduci atraso lo mas posible pa preveni casonan criminal di keda rechasa pa motibo cu su tempo ta caduca. Mester nota cu menos detenido a keda trata den sesionnan diabierna. E motibo pa esaki ta cu tabatin hopi casi significante cu varios sospechoso den e zitting, y tambe a suspende e casonan aki varios biaha.

Geactiveerde dagvaardingen

E cantidad di geactiveerde dagvaardingen pa cada aña no ta igual na e cantidad di sospechoso cu en berdad ta atende audiencianan den corte e aña en cuestion. E geactiveerde dagvaardingen tampoco ta automaticamente igual na e veredictonan pronuncia. Adicionalmente ta posible cu OM ta ricibi veredicto di corte na un fecha posterior.

Casonan rechasa

E codigonan usa mas comunmente pa rechasa casonan criminal tabata:

Codigo 43: Esaki ta nifica cu maske e ofensa no ta prohibi pa Statuut, esaki a keda cometi asina hopi tempo atras cu ya no ta considera e procesamento eficiente.

Codigo 2: Evidencia ta insuficiente, inusable of no convincente.

Codigo 3: Ta usa e codigo di rechaso aki por ehemplo ora e caso criminal ta prohibi pa Statuut, e sospechoso a fayece, no tin keho pa un ofensa basa riba keho, of e sospechoso ta menor di 12 aña di edad.

Casonan militar
 Di e casonan aki, dos a keda transferi na Hulanda pa decision, ya cu e personal militar involucra ya a keda repatria na Hulanda.

Homicidio
 Na comienso di maart 2022, un homber di edad avansa a keda violentamente asesina. A aresta dos sospechoso. Ministerio Publico a solicita sentencianan di prison halto, di 25 y 23 aña respectivamente. Corte a impone sentencia di 18 aña. E caso ta den apelacion.

Fin di november 2022, a reporta un incidente di tiramento cerca di tanki di awa na Savaneta. E victima a fayece di un tiro cu arma di candela. OM a solicita un sentencia di 19 aña den prison pa homicidio cualifica y posesion di arma di candela. Corte a impone un sentencia di 17 aña. E caso ta bao apelacion.

Na comienso di december 2022, un incidente di tiramento a tuma lugar den area di entretenimento turistico. E victima a fayece pa herida cu arma di candela. Tabata un pelea den cual un di e autornan hubenil a tira un tiro mortal, y e otro a dal e victima cu machete. OM a solicita un sentencia substancial di 16 aña den prison pa homicidio y posesion di arma. Corte a dicidi di impone un sentencia mas abao. Hues a considera factornan manera edad jong di e autor, un record criminal limpi, y e guia di sentencia usa pa corte di apelacion. Adicionalmente, hues a tene cuenta cu e hecho cu e autor tambe a keda ataca pa e victima. El a keda sentencia cu 8 aña den prison. E autor cu a usa e machete a keda someti na ley criminal hubenil. El a haya sentencia di 4 aña di prison, cu un aña suspendi, y un periodo probacional di dos aña pa intento di asesinato. E caso aki awo ta final.