Tabata diaranson den oranan di marduga ora un accidente basta serio a tuma luga na crusada di L.G Smith Boulevard y Adriaan Lacle Boulevard na unda cu diadomingo ultimo Cuerpo di Polis a informa cu un persona envolvi den accidente aki di 21 aña a fayece.
Diaranson 11 di october den oranan di madruga a drenta informe di un accidente cu hende herida na e crusada di L.G Smith Boulevard y Adriaan Lacle Boulevard, mesora a dirigi tanto polis como ambulance na e sitio y na yegada di e patruya a bin compronde cu tabata trata di un accidente entre un aunto KIA Picanto shinishi y un brommer. Na yegada di e ambulancenan a atende cu e victimanan y a transporta nan pa hospital ya cu nan tabata seriamente herida.
Diadomingo ultimo, Cuerpo di Polis a informa cu Aruba ta conoce su di 8 morto den trafico, nan a menciona cu nan a haya e informacion for di hospital cu Luisa F. Torres Gutierrez naci na Colombia 16 juli 2002 a fayece y a bira e di 8 morto den trafico pa loke ta 2023.
Ayera Ministerio Publico a manda un comunicado di prensa indicando cu Cuerpo di Polis a detene un homber e dia di ayera relaciona cu un investigacion penal di un accidente di trafico pisa riba diaranson anochi 11 di october ultimo riba L.G. Smith Boulevard na Oranjestad.
Den e accidente aki, entre un auto y un motorcycle, un motociclista di 24 aña di edad y su pasahero di 21 aña di edad a resulta criticamente herida, e dama pasahero a fayece ayera a consecuencia di su lesionnan y e motociclista ta den condicion grave.
Bon Dia Aruba ta manda palabranan di condolencia na famia di e hoben fayecido.
