(TMZ) – Milly Bobby Brown no tabatin reservacion ora cu el a expresa su sentimentonan tocante e show cu a dun’e su fama, bisando cu e ta cla pa cambia di pagina y yamando esaki un peso riba su carera.
E actriz, conoci pa su rol como Eleven den e hit di Netflix, a comparti su pensamentonan tocante Stranger Things den un entrevista nobo cu Glamour, unda practicamente el a expresa sentimentonan negativo tocante e programa cu a causa su fama.
E articulo ta nota cu e ta compara e ultimo temporada di e programa, cual lo lansa proximo aña, cu e ultimo aña di scol, unda bo kier pa e caba pa caba. E ta expresa cu “ora bo ta cla, bo ta sinti mane ‘okay, ban haci esaki. Ban logra e ultimo aña y sali di aki.’” Millie a agrega cu “Stranger Things ta tuma hopi tempo pa graba y e ta preveni mi persona di crea storianan pa cual mi ta sinti pasion. Mi ta cla pa bisa ‘danki y ayo.’”
Cu esaki el a duna di compronde cu si tin un sentimento di gratitud pa loke el a siña riba e programa, agregando cu e ta sinti cu e serie aki a duna su persona e “hermentnan y e recursonan pa bira un miho actor.” Na mesun momento, e ta agrega cu e ta “nenga di ser influencia pa lamenta e clausura di e serie.” El a comenta cu aunke e programa cu ta un faborito di varios fanatico caba, e lo “sigui wak tur e hendenan aki.”
Loke a keda cla ta cu e ta cla cu e etapa aki di su bida y cu hopi rason. Di tur e muchanan den e elenco, e ta esun mas famoso fuera di e programa y e ta cla pa libera su mes di esaki completamente despues di 7 aña.
