(AP) – Miembro di Parlamento di partido CDA Anne Kuik ta trahando riba un proposicion pa pone un fin na weganan di placa online legal na Hulanda. El a critica e riesgo di debe y e adiccion entre hobennan y a condena companianan di wega di placa online pa pone prioridad riba ganashi mas cu proteccion di e hungadornan.
Weganan online a bira permiti legalmente na Hulanda den october di aña 2021, despues di e adopcion di e Ley di Wega di Placa Remoto despues di añanan di debate politico. Segun e figuranan for di e autoridad di weganan di placa, e mercado a explota. Mas di un den cada 20 residente di Hulanda ta hunga di placa online.
“Como resultado di e ley, weganan di placa a keda normalisa y hobennan ta ser hinca den un mundo di adiccion. Nos tin cu stop esaki awo,” Kuik a skirbi. El a reporta cu e cantidad di persona cu adiccion na wega di placa a aumenta drasticamente, notablemente entre e adultonan hoben.
El a nota cu e cantidad di cuentanan riba websitenan pa weganan di placa online a bira mas cu dobel den di dos mita di ana 2022. “21 porciento di e cuentanan aki ta pertenece na personanan hoben, nificando cu e hobennan aki ta hincando nan mes den debe,” Kuik a declara.
