(NLTimes) – Hulanda lo aumenta su salario minimo cu 3.75 porciento cuminsando for di dia 2 di januari 2024. E pago pa ora di acuerdo na statuut pa empleadonan di 21 aña bay ariba lo ser stipula na 13.27 euro pa ora. Ademas di e ahuste regular aki basa na e nivel di prijsnan, un tarifa minimo di pago pa ora lo reemplasa esun existente.
E salario minimo actualmente ta calcula riba un base mensual, esaki ta nifica cu no ta importa si un empleado traha 36, 38 of 40 ora pa siman. Danki na e iniciativa di Parlamentarionan Barbara Kathmann di PvdA y Senna Maatough di GroenLinks, e ley aki a ser aregla pa introduci un tarifa pa ora minimo uniforme.
Como resultado di esaki, esunnan cu ta traha 40 ora pa siman lo ricibi pago pa 4 ora adicional pa siman. Esaki ta implica cu en averahe, e grupo aki lo tin un aumento di 15 porciento na e pago pa ora. Pa esunnan cu ta traha 36 ora pa siman, e aumento lo ta di 3.75 porciento.
Den september, un mayoria den Tweede Kamer, parti di e Parlamento Hulandes, a apoya un aumento di 1.7 porciento na e salario minimo y bijstand social pa aña 2024, ademas di e indexacion cu te ainda mester keda determina.
