Dutch caretaker Prime Minister Mark Rutte speaks with the media following exit polls in the general election in The Hague, Netherlands, March 17, 2021. Dutch voters pushed Rutte towards a fourth term in office in a general election Wednesday, bolstering his conservative party's position as the biggest in parliament and boosting a key ally into second place, an exit poll suggested. (Piroschka van de Wouw/Pool via AP)

(NLTimes)—E mision diplomatico Palestino na Hulanda a critica e hecho cu varios lider mundial a reconoce Israel su derecho pa auto-defensa. Den un declaracion, Rawan Sulaima di e Mision Palestino na Hulanda a bisa cu declaracionnan di apoyo cu ta papia di Israel su derecho pa auto-defensa ta un aprobacion “pa e poder ocupante destrui e Gaza Strip y sigui cu su politica sistematico di mata Palestino y destrui propiedad y tera Palestino.”

Presidente Mericano Joe Biden y presidente Frances Emmanuel Macron, entre otro, a bisa despues di e atake di Hamas cu Israel tin derecho pa defende su mes. Prome Minister Demisionario Mark Rutte tambe a bisa diasabra cu Hulanda ta apoya Israel su derecho pa auto-defensa completamente.

Sulaiman a bisa den un declaracion riba e “agresion cruel Israeli” contra Gaza: “Atrobe e comunidad internacional ta faya di contextualisa e causa di kico ta pasando awe, esta decada di ocupacion, apartheid y colonisacion, y e fracaso di e comunidad internacional pa tene Israel, e poder ocupante, responsabel di su continuo violacion di ley internacional.”

Bidanan Palestino ta bale algo, segun e representante a bisa. “Dos miyon Palestino ta bay ocupacion ilegal na Gaza y ta bibando den un prizon di aire liber pa 15 aña,” el a bisa.

Mientras tanto, e atake recien contra Gaza a causa miedo pa aumenta entre e comunidad Hudiu na Hulanda, segun coordinado antisemitismo nacional, Eddo Verdoner, a bisa ayera. Hendenan ta preocupa tocante un posibel escalacion y nan seguridad.

Segun e coordinado, e comunidad Hudiu ta preocupa cu e inkietud den Midden-Oosten por plama den Hulanda. “Nos a mira den pasado cu antisemitismo ta surgi atrobe na Hulanda ora tin conflicto na Israel. Of cu Hudiunan tin biaha ta haya e culpa di kico ta pasando eynan. E miedonan ey t’ey atrobe.”

P’esey Verdoner ta kere cu ta importante pa ta vigilante. “Nos mester tin cuidou pa e tipo di conflicto aki no yega na Hulanda. Y nos mester distingui entre kico ta pasando eynan y e comunidad aki. Pues vigilancia ta necesario, y nos lo ser completamente comprometi na esaki.”