(NLTimes) – Rey Willem-Alexander a bisa cu e ta kere cu ta importante pa nos “enfrenta e pasado, incluyendo e partinan menso bunita.” El a expresa esaki diahuebs atardi den un reaccion na e revelacion cu su welo, Prins Bernhard tabatin un carchi di miembrecia pa e partido NSDAP, cual tabata di Adolf Hitler.
“Mi por imagina hopi bon cu e noticia aki tin un impacto grandi, causando varios sentimentonan specialmente den e comunidad Hudiu,” e Rey a expresa prome cu e presentacion di e premio Real pa pintura moderno na e Palacio Real. “Pero mi ta convenci cu nos mester enfrenta e pasado, incluyendo e partinan menos bunita di esaki.”
E existencia di Bernhard su miembrecia di NSDAP a ser confirma diaranson pa e gobierno su servicio di informacion RVD. Historiado Flip Maarschakerweerd, ex director di Royal House Archives, a haya e carchi di miembrecia den e Prins su archivonan priva na Soestdijk, cual e mester a inventarisa despues di Bernhard su morto den aña 2004.
Bernhard semper a nenga cu e tabata miembro di e partido Nazi, hasta ora cu a confronta su persona cu evidencia pa comproba lo contrario. Den un serie di entrevista cu De Volkskrant prome cu su morto, e Prins a expresa “mi por declara cu mi man riba Bijbel; Mi nunca tabata un Nazi. Mi nunca a paga pa un miembrecia di partido. Nunca mi tabatin un carchi di miembrecia.”
