(NLTimes)—Residentenan Hulandes ainda ta enfrenta aumentonan den prijs di cuminda na supermercado a pesar cu e prijsnan pa produccion ta cayendo. Prijsnan pa produccion di cuminda, incluyendo pa importacion, tabata 4.2% mas abao na juli compara cu na januari. E prijsnan cu consumidonan Hulanda a paga pa cuminsa tabata 3.7% mas halto, segun e oficina di estadistica Hulandes (CBS) a reporta.
“Prijsnan di consumo pa cuminda usualmente ta sigui e prijsnan di produccion cu algun retraso,” CBS a bisa, usualmente debi na contractnan den largo plaso entre productor y bendedo. Pa e motibo aki, por tuma un rato prome cu supermercadonan paga e prijsnan mas caro of mas barata pa bendedo of fabricante y pasa e diferencia na e consumidonan.
Consumidonan kisas por mira prijsnan mas halto den supermercado e temporada binidero. E prijsnan di consumidor pa fabricantenan di cuminda a aumenta pa 31% na juli 2023 compara cu juni 2020. Den e mesun periodo, productornan di cuminda a bira 24% mas caro pa consumidornan. Pero ta parce cu e aumento di prijs continuo ta yegando su fin. Menos cu 15% di fabricantenan di cuminda ta espera cu prijsnan di benta lo subi den e proximo tres luna, segun CBS.
