(ElNacional) – “Aki ta e historia cu a trece nos den e pesadia aki, cu ta e ruina di e pais y e dispersion cu ta crece cada dia. Den e historia aki, Hugo Chavez y Nicolas Maduro ta e gran responsabelnan di e destruccion di e pais, pero tur politico tin nan parti di responsabilidad, pasobra nos tabatin e oportunidad pa cambia esaki y nos no a haci esaki,” Rosales a bisa den un video cu el a publica ariba su rednan social.
El a mustra cu e oposicion tabata lidera e yamadanan pa abstene den procesonan electoral y tambe e manifestacionnan riba caya cu a resulta den mortonan na henter e pais
“Di unda e yamadanan pa abstene, pa guarimba, cu anuncio di e sali for di e regimen tabata bin? Ken tabata bende huma cu promesanan di invasionnan militar supuestamente pa soluciona e problemanan? No tabata e oposicion? Pakico e Operacion Libertad y otronan mas a surgi cu solamente a laga algun hende bay biba afo. Ken tabata e promotor di e sancionnan? Nan a cambia algo politico na Venezuela?,” el a sigui bisa como ex candidato presidencial tambe.
Rosales a recorda cu e gobierno interino a maneha miyones di activo di e pais cu, segun su cuestionamento, no a wordo usa nan ningun momento pa mehora e condicionnan di bida di e Venezolanonan.
“Ta hopi facil pa ta bibando afo di Venezuela, bibando feliz cu famia, gana di 5.000 pa 10.000 dollar, mientras hopi hende ta sigui riesga nan bida den e selva Darien of sobreviviendo aki cu salarionan miserabel. Nos no por sigui bende huma y mentira na hende,” el a indica
E gobernador di Zulia, kende a instala e lidernan opositor pa debati publicamente tocante e criticanan aki, ya tabata bisa varios di e sentimentonan aki durante un discurso riba diadomingo durante un evento di robotica na Maracaibo.
Durante e declaracionnan aki, el a papia tocante e necesidad di sigui cu e dialogo na Mexico y laga na banda e interesnan personal. “No ta aparece e acuerdonan concreto, pa desblokia e wega politico y economico. Pakico na e altura aki no a firma e compromiso pa tene eleccionnan limpi, sin inhabilitacionan manipula, sin bentahismo, cu observacion internacional, cu reglanan cla di respeta e adversario?,” el a expresa na inicio.
Aunke e lidernan di Un Nuevo Tiempo a urgi pa firma acuerdonan cu e gobierno pa logra e liberacion di presonan politico y e realisacion di eleccionnan limpi, sin inhabilitacionnan manipula, sin bentahismo y cu observacion internacional, su referencianan tocante e crisis migratorio y criticanan na e sector opositor a causa polemica ariba rednan social.
Algun lider opositor a mustra nan rechaso pa e criticanan di Rosales y a acus’e di coopera cu e partido di gobierno.
