(AP)—Polonia mester clarifica acusacionnan cu su consuladonan na Africa y Asia a bende visa di trabao temporario na migrantenan pa miles di dollar cada un den un skema cu por debilita biahamento gratis na Europa, segun un oficial di Union Europeo a bisa ayera.
Vice-Presidente di Comission Europeo Margaritis Schinas a bisa cu biahamento dentro di e zona di biaha sin control di identificacion conoci como Schengen, cual ta consisti di 27 nacion, ta depende riba confiansa entre e miembronan, cual ta inclui mayoria di nacion dentro di UE hunto cu Islandia, Liechtenstein, Noruega y Suisa.
“Si ciudadanonan di paisnan tercermundista a haya e derecho pa movemento gratis dentro di Schengen, sin respeta e proceduranan y condicionnan adecua, esaki lo conta como un violacion di ley UE, particularmente e codigo di visa UE,” el a bisa.
E declaracionnan di Schinas a bin net na mesun momento cu e partido derechista Polaco ta campaña pa e eleccion dia 15 di october. Migracion ta un topico popular y e gobierno pa Ley y Husticia ta enfrentando preguntanan tocante un supuesto skema mientras cu e ta campañando pa su tercer termino den oficina.
Autoridadnan Polaco, incluyendo e lider di partido, ta insisti cu no tin ningun scandal. Nan ta bisa cu shete hende a ser deteni den e investigacion andante y cu tabatin menos cu 30 caso di iregularidad. Pero e lider di oposicion mayor na Polonia, Donald Tusk, a acusa Ley y Husticia di hipocresia pa supuestamente admitiendo cu tin un cantidad grandi di trahadonan stranhero e pesar di su retorico antimigrante y un muraya nobo na frontera.
Tusk—ex-prome minister di e pais y den pasado un oficial di UE tambe—y media Polaco ta alega cu e gobierno a admiti cu tin aproximadamente 130.000 migrante Musulman aña pasa via e supuesto skema a pesar di declaracionnan pisa dirigi principalmente riba no-christiannan.
Ministerio di Interior Polaco a bisa cu “menos cu 30.000 trahadonan for di paisnan Musulman a bin aña pasa.” E Comision Europeo ta e sector ehecutivo di UE, y e ta monitoria e aplicacion di e leynan di e paisnan miembro. Schinas a bisa cu e comision ta puntrando pa contesta riba varios pregunta.
Segun e agencia di estadistica pa UE, Eurostat, Polonia a suministra 700.000 permiso pa “prome residencia” aña pasa na ciudadanonan di 148 pais pafo di UE, haciendo cu e pais ta e suministrador mas grandi di permiso dentro di UE. E recipientenan mester keda den Polonia, pero biahamento sin control di identificacion ta haci’e mas facil pa nan move rond den Europa.
Migracion tambe ta un topico popular en general despues cu gruponan politico Europeo a reuni siman pasa pa prepara nan strategianan di campaña pa e eleccionnan di UE otro aña na juni. Schinas y Presidente di comision Ursula von der Leyen ta parti conservativo European People’s Party, e bloc mas grandi dentro di e parlamento UE. Nan kier convence e partido di prome minister Italiano, Giorgia Meloni, pa uni cu nan y a tuma un posicion mas streng riba migracion recientemente.
