(AP)—E presidente di e Parlamento Europeo a bisa ayera cu el a comunica e apoyo di e curpa legislativo pa e apuntamento di Nacion Uni pa evalua e probabilidadnan di resumi discusionnan para pa reuni e nacion Cyprus cu actualmente ta dividi.
Roberta Metsola a bisa cu el a comunica personalmente e posicion di e legislatura di Union Europeo na e Secretario General di NU, Antonio Guterres, na New York luna pasa. Metsola a bisa cu el a conta Guterres cu Europa “nunca no lo ta completo tanten cu Cyprus ta keda dividi.”
“Esaki no ta djis un cuestion di Cyprus, pero sino tambe Europeo,” el a bisa despues di discusionnan cu e presidente di e naccion Nikos Christodoulides. Metsola tambe a atendi un para militar ayera pa marca e 63 aniversario di independencia di Cyprus for di dominio colonial Britanico.
Christodoulides a contra reporteronan ayera cu consultanan ta continua riba e apuntamento di un envio di NU. El a haci discusionnan di reunificacion cu residentenan Cypriot Turco un punto di enfoke di su administracion Cypriot Griego.
E discusionnan a keda para desde e ultimo intento pa yega na un trato di paz na 2017. Prome cu esey, varios negociacionnan a resulta den fracaso. Intentonan pa reuni a cuminsa den e añanan despues di e invasion Turco cu a ser causa pa un rebelion dirigi na union cu Grecia.
Mantenedonan di paz di NU ta mantene un “buffer zone” entre e parti Turco-Cypriot noord di e isla y e parti Gregio-Cypriot zuid. Turkia, e unico nacion cu ta reconoce un declaracion di independencia Turco-Cypriot, a desplega mas cu 35.000 tropa den e partinan noord di Cyprus.
Cyrpus a uni cu NU na 2004, pero solamente e parti zuid, unda e gobierno internacionalmente reconoci ta sinta, ta disfruta di e beneficionan di miembresia completo. E division riba e isla ta un fuente di tension den e parti oost Mediteraneo, particularmente tocante e posesion di Turkia di e zona costal economico di Cyprus, unda depositonan di gas a ser descubri.
Lider Turco-Cypriot, Ersin Tatar, a bisa no tin ningun trato di paz real tanten cu e minoria Turco-Cypriot no ta reconoci. Su posicion ta bini for di un acuerdo cu Cyrpus lo ser reuni como un federacion componi di zona di papiamento Turco y Griego.
Tatar a bisa cu el a conta Guterres cu ningun envio di NU por asisti negociacionnan cu lo ser basa riba un federacion invalido y cu por solamente yega na un acuerdo via negociacionnan entre e dos estado igual.
