(ElNacional) – Yelitze Santaella Hernandez, Minister di Educacion, a descarta diabierna e realisacion un aumento di salario pa e sector educativo di e pais pa e momentonan aki.
Durante un entrevista transmiti pa Venezolana de Television (VTV), varios docente a puntra e funcionario a traves di rednan social tocante un posible aumento di salario pa e secotr di educacion, na cual el a contesta: “Nos lo ta dunando un respuesta ora cu tin condicionan economico na e pais pa haci esaki.”
E trahadonan di e sector educativo a realisa diferente protesta na e pais pa exigi miho salario. No obstante, e minister a señala cu for di su oficina nan ta trahando pa purba haya un alternativa cu lo permiti un miho salario social.
Di otro banda e funcionario a comenta cu nan ta studiando tambe algun beneficio pa e docentenan, manera por ehemplo, e posibilidad di ekipa nan cu uniform. Ademas el a destaca e esfuerso y sacrificio cu nan ta haci den e trabao como docente y el a ratifica e orario laboral cu nan ta bin ta implementa.
Aunke e inicio di e aña escolar 2023-2024 a wordo convoca pa dia 2 di october, e voceronan di e gremio educativo a expone cu no ta existi e condicionnan necesario pa esaki.
E Federracion Venezolana de Maestros a señala cu 70% di e edificionan educativo ta presneta deterioro; pa loke ta trata e docentenan, e salario no ta cubri ni sikiera e costo di e pasashi di transport pa nan yega te na scol.
