25 di september di aña 2015, diferente lider na nivel mundial a adopta un conhunto di metanan specifico cu nan mester logra den 15 aña, ayera Aruba a conmemora e dia aki ayera cu hisamento di e banderanan di Sustainable Development Goals.
E meta di esaki ta pa crea mas consciencia y mas aceptacion den comunidad, e metanan mundial pa desaroyo sostenibel ta constitui na un yamada universal pa tuma accion y pone fin na pobresa, protege e planeta y mehora e bidanan y perspectivanan di e personanan na henter e mundo.
Esaki ta tumando luga na diferente luga rond di mundo, pero en general, e medidanan tin como fin pa logra e obhetivonan pero te ainda no tur pais ta avansa den scala necesario, aña 2020 a marca e inicio di un decada di accion ambicioso pa logra e obhetivonan pa na 2030.
Aunke e metanan no ta huridicamente obligatorio pa wordo cumpli, tin paisnan cu a adopta e metanan pa nan mes y a establece un marco nacional pa e logro di e 17 obhetivo, den esaki, paisnan tin e responsabilidad primordial di siguimento y ta haci pruebanan di e progreso cu a wordo cumpli y e metanan pa aña 2030.
Aliansa Mundial di Inversionistanan pa Desaroyo Sostenibel, cu ta un coalicion apoya pa Nacionnan Uni di 30 lider empresarial a wordo presenta na october di aña 2019, t traha pa ofrece un liderazgo den e mobilisacion di recursonan na fabor di e desaroyo sostenibel y e definicion di incentivo pa haya inversionnan sostenibel na largo plaso.
