(NLTimes)—Pilotonan di KLM na Schiphol lo stop di traha pa un ora dialuna for di 11or di mainta pa 12or di merdia pa asina pusha pa un acuerdo colectivo mas faborabel, segun sindicato VNV a reporta ayera. 3.200 piloto ta espera pa protesta. Presidente di VNV, Camiel Verhagen, ta calcula cu e accion por resulta den retrasonan di 15 vuelo saliendo for di Hulanda.
VNV kier un aumenta den salario anual di aproximadamente 6%, parcialmente pa compensa pa e inflacion halto, mientras cu KLM a propone un aumento di 5%. Ademas, pilotonan di KLM ta pushando pa compensacion pa nan peso di trabao, mas flexibilidad den oranan liber, y envolvimento den tumando di decision pa loke ta trata e cantidad di piloto asigna pa cada vuelo.
Negociacion pa un acuerdo di labor colectivo nobo tin shete luna ta andando caba. “Desafortunadamente, no a logra cu esaki y nos ta obliga di tuma accion nos mes. Esaki por resulta den retraso pa nos pasaheronan. Nos ta pidi dispensa di antemano y lo haci tur cos cu por pa limita cualkier otro inconvenencia,” VNV a bisa.
E protesta di e pilotonan ta plania pa dialuna dia 25 di september cu 3.200 piloto participando. E sindicato a expresa su speransa cu KLM “lo cumpli cu e demandanan rasonabel.” Si no a yega na un acuerdo, VNV ta adverti di mas accion, posiblemente dia 2 di october.
Como contesta riba esaki, KLM a expresa nan “arepentimento” riba e decision di VNV y a subraya nan compromiso pa yega na un “acuerdo di labor colectivo balansa.” Ademas, e aerolinea a nota cu empleadonan cu ta den transito entre 11or di mainta pa 12or di merdia lo sigui traha. KLM tambe ta informa su clientenan tocante e consecuencianan di e protesta riba nan vuelonan.
