Awe 21 di september ta conoci comi Dia Mundial di Alzheimer. E conmemoracion di e dia aki ta un esfuerso global pa crea conciencia y na mesun momento desafia e tabu cu tin alrededor di e enfermedad di Alzheimers y otro tipo di demencia.
E Asosiacion di Alzehiemer ta enfoca ariba e dia aki pa reconoce e mas di 55 miyon di hende na mundo cu ta wordo afecta pa e enfermedad aki. Segun estadisticanan un di cada tres adulto mayor ta muri cu e enfermedad di Alzheimer of otro demencia.
Alzheimer ta un tipo di trastorno, cu ta ireversibel, progresivo y ta afecta den su mayoria personanan di edad avansa, e por afceta tambe personanan di edad bastante hoben. E ta e tipo di trastorno of anteriormente conoci como demencia, cu ta cuminsa cu perdida di memoria leve, te na e perdida di e habilidad di sigui un combersacion y responde na e ambiente.
E ta involucra partinan di e cerebro cu ta controla pensamento, memoria y lenguahe. E malesa aki por afecta un persona su habilidad di ehecuta actividadnan diario di un manera sumamente serio.
Cientificonan te ainda no ta compronde completamente kico ta causa e trastorno aki. Posiblemente e no tin un solo causa, sino varios factor cu por afecta cada persona di manera diferente. Entre e factornan tin Edad, Historia familiar y cambio den cerebro.
Tur aña e conmemoracion di e dia mundial aki ta cai durante e siman di Sinta Teal na Aruba y Fundacion Alzheimer Aruba ta organisando dos actividad en conexion cu e dia importante aki.
Awe, 21 di september, Dia Mundial di Alzheimer, lo tin e prome actividad cu lo ta un anochi di cine informativo. E anochi di cine aki lo tuma luga na Cas di Cultura y lo ta cuminsando pa 7or di anochi y entrada ta gratis.. E titulo: “Wandering What is it and What to do About it?”
E di dos actividad lo tuma luga den e Siman di ‘Sinta Teal’ cu lo ta un servicio di Misa cu un presentacion tocante ‘Sundowning y Wandromento’. Esaki lo tuma luga diasabra 23 di september na Misa Adventista di Shete Dia na San Nicolaas.
Tur dos actividad ta sirbi como antesala di un training extenso y un workshop cu lo tuma luga na maart 2024 conhuntamente cu expertonan di Virginia.
